جمرة غضى

...

جمرة غضى .. أضمها بكفي

أضمها حيل حيل

ابي الدفا .. لو تحترق كفي

وأبي سفر لليل

بردان أنا تكفى .. أبا احترق بدفا

لعيونك التحنان .. فعيونك المنفى

جيتك من الأعصار .. جفني مطر .. والنار

جمرة غضى

والله الجفا برد .. وقل الوفا برد

والموعد المهجور ما ينبت الورد

ياحبي المغرور .. ياللي دفاك اشعور

رد القمر للنور .. واحلى العمر .. في وعد

بردان .. بردان انا تكفى

يا اول الحب .. شفتك أنا مره

اهديت لك قلب

ورديت لي جمرة

ومن يومها كان الرحيل

وليل الشتا .. القاسي الطويل

وآآه ي الحنين

لليل له حارسين

برد وسحاب

وبردان .. بردان أنا تكفى

لعيونك التحنان

وعيونك المنفى

 

الشاعر :بدر بن عبد المحسن

رجوع