مثل الكرى

...

كتبت من الشعر في كل معنى

ولكن وصف زينك مابلغنا

أنا وش لون أوصف زين روحك

وذاتك حسنها ما قد شهدنا

أشوف الصبح في طلعتك باسم

وبك خجلت غروب الشمس شفنا

تجي مثل الكرى سلطة حضورك

وما تبغيه من حلم حلمنا

نشيت بعالي منشا سحابه

يسابق نبتنا فيها زهرنا

وأحبك حب صقار لطيره

يعاف النوم لو ريشه تثنى

وأحبك حب شاعر للقصيدة

اذا جت ون وان عيت يونا

وأحبك حب فنان لفنه

قضى عمره ولا أدرك ماتمنا

وأحبك حب من يفداك عمره

فتح قلبه وخلاك أتحنا

Sorry, your browser doesn't suppor Java.

الشاعر: خالد الفيصل

رجوع