http://www.twitethkar.com/ مجالس الساهر - عرض مشاركة واحدة - دلاخه * دلاخه = قمة الإبداع

عرض مشاركة واحدة
  #5 (permalink)  
قديم 23-04-2003, 18:36
الصورة الرمزية سفير الحزن
سفير الحزن سفير الحزن غير متواجد حالياً
 
تاريخ التسجيل: 24-08-2000
الدولة: دولة البشر
المشاركات: 1,737
معدل تقييم المستوى: 34934
سفير الحزن متميز دائماً اكثر من 500 الف صوتسفير الحزن متميز دائماً اكثر من 500 الف صوتسفير الحزن متميز دائماً اكثر من 500 الف صوتسفير الحزن متميز دائماً اكثر من 500 الف صوتسفير الحزن متميز دائماً اكثر من 500 الف صوتسفير الحزن متميز دائماً اكثر من 500 الف صوتسفير الحزن متميز دائماً اكثر من 500 الف صوتسفير الحزن متميز دائماً اكثر من 500 الف صوتسفير الحزن متميز دائماً اكثر من 500 الف صوتسفير الحزن متميز دائماً اكثر من 500 الف صوتسفير الحزن متميز دائماً اكثر من 500 الف صوت
السلام عليكم ورحمة الله

عاشق الخيل

أول شئ أود أن احييك على هذا الفن الرائع في الطرح والذي يندرج في خانة (( كاتب ساخر )) وهو فن ليس بالأمر السهل التعامل معه يتطلب ادراك وحس وافق كبير وخلفيه كبيره وثقافه .

كتبت فأجدت ووصفت فأتقنت الوصف

تطرقت لمسطلح (( دلخ x دلخ ))
ويا كثر الدلوخ في عالمنا المعاصر

هناك دلوخ من نوع أخر (( دلوخ السياسه والعياذ بالله ))

- اذا شفت رئيس دوله يتمسمس قدام الكمره ويقول نحن نرفض الأحتلال ونرفض التطبيع مع إسرائيل ونأيد الديمقراطية في اوطاننا ونعمل على رفاهية الشعب والأستقلال السياسي في مسيرتنا الوطينه ولا ننقاد لأي جهه معينه ونعمل حسب ما يملي علينا دستورنا وبالنهاية تطلع صورة وزير الخارجية لأحد الدول العضمى جنبه وهو يقول له ممكن كم قاعده من قواعدكم عشان نبي نحتل العالم عندنا عقدة نقص من العضمه والأحتلال ونغار من اسرائيل ويقوم قائد هذه الدوله المسكينه بعد ما تمسس قدام الشاشه ويضرب على صدره (( افى والله جتك وانا أبو ؟؟؟؟؟ بس قواعد لو تبي فرع كامل لدولتكم عندنا تحت امرك ... الأخ ذابحته النخوه والشهامه والكرم ويجي اليوم الثاني ويصقع شعبه بخطاب تجديد وتعديل لبعض القوانين بأسم الديمقراطيه ويجيب المحتل ويقول بناء على صداقاتنا مع هذه الدوله ولمتن هذه الروابط نسمح لها بوضع بعض القواعد من باب تطوير جيوشنا المسلحه (( اخس يا هالجيوش .... ما نشوفها عند الأزمات كله اجازات )) عندأذن تستطيع ان تقول ان هذا القائد ( دلخ بنمره وأستمراه ) واللي ادلخ منه اللي يصدقه . هنا نقف عند هرم الدمقراطية الدلخية المنبثقه من دلاخة الشعوب .

سوري .... صقعت بالسياسه وطحت على جبهتي


نرجع لبعض الدلوخ في مجتمعاتنا

النساء .... يا كثر الدلوخ فيهم مثلهم مثل الرجل في بعض الحالات التي ذكرت سابقاً الفقرات السبع 7
مع بعض التغييرات البسيطه .

1- اذا شفت بنت متشيكه وصابه جالون عطر وملمعه جزمتها الفوشيه ولابسه ذاك الفستان الأصفر المزكرش بالموف وشفتها رايحه للسوق وهي طاقه ذيك العباية الشفافه اللي تطلع بقعة الككاو اللي لطخت الفستان وتشوفها تتمايل مثل البطريق بالسوق ويوم تشوف ذاك السنافي ( الشاب ) جالس يترزز قدامها تشر له بيدها يعني (( عطني الرقم انت وجهك بسرعه لا يشوفوني اهلي )) ويوم يعطيها الرقم تركض تقل مقروصه تبي البيت والعذر بطني عورني يالله يمه نرجع بسرعه وتسبر شوي عشان يتفضى لها وقت عشان تكلمه ويم تتصل عليه حدث ولا حرج الأخت طاقتها ميانه تقل تعرفه من سنين والمسكين بيتفاجأ بثرثرتها وبعض القصص اللي صارت لها بالثانويه مع زميلتها هند يوم معطت شعرها وفشلتها عند الطالبات . وبعد كم يوم تقول ابي اشوفك تعال عندنا بالبيت وتتطور الحكاية لين تقول ابي اركب معك بالسياره نتمشى (( الله من زين التمشي .... والله اللي نيته شينه ) وبعد ما ترجع للبيت ( الله العالم وش سوو ) تجلس تدوره كل دقيقه وهو عاد بيتغلى ( ذيب وافترس وش له فيها الحين الغنم كثار بالأسواق ) تجلس تبكي وتجي حالات الأنهيار والأنعزال ويمكن يتطور الأمر لطبيب نفساني ( مجنونه بحبه ) ويوم تركها ويعلن تخليه عنها هنا ابصم بالعشر ان هذه الفتاة استحقت صفة (( دلخه )) مع مرتبة الشرف .

2- اذا شفت ذيك الحرمه تسحب عيالها معها في كل مناسبه سواء هي معزومه ولا قاطه وجهها معهم هذا على يدها وهذاك يمش خشمه بثوبه وحمود النسره جايب معه نباطه عشان يصيد عصافير عند الناس ومسكين بس كسر 13 لمبه في الحوش . فديت قلبه شوي شقي . ولين جلسن الحريم على الكراث واليمون وبدت السواليف الخاثره ( فلانه تزوجت _ وفلانه تطلقت _ وفلانه من زين وجهها ) بعد كل هذا تعال دور عيالها يوم يجي زوجها بياخذهم للبيت .
حمود ثوبه مشقوق وفهود مطاق ويا ولد ام صالح وفلقه بالقوطي ونوف الله يصلحها كاسره عروسة سميره وفستانها منكب عليه عصير طماط
وخلود نايم المسكين عند الدرجه ما دروبه وجسوم الله يصلحه جالس يتعرف على بنت الجيران من سنه 10 سنين وبالنهايه يرجعون للبيت وهم شبه مفككين (( تنطبق عليهم مقولة __ بدل تالف __ مساكين )
هنا نقول ان هذي الأم استحقت لقب (( دلخه )) مع مرتبة الأمومه المبجله .

والكثير الكثير من دلاخة بعض الحريم ....

المشكله العضمى الحين أن الدلاخه اصبحت داء متفشي في المشتمع ولا لقوا له حل .


اقول ..... أخوي ..... فيه موضوع جديد يمكن يفيدك

الأستدباش للأستدراك
يعني خلك دبشه قدام الغير عشان تعرف مويتهم وش هي

تحياتي لك ولقلمك الرائع

سفير الحزن
بو فهد
__________________
كل عام وأنا بخير



الحقوق الفكرية والهندسية للتصميم حقي أنا .... بليز نو سرقة


التعديل الأخير تم بواسطة سفير الحزن ; 23-04-2003 الساعة 18:42
رد مع اقتباس
 

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51