حوار بين الشيبه والعيوز

**المكابر** · #1 17-12-2002, 21:56

اثناء قرآتي حصلت هاي القصيده وحبيت تقرونها وياي اتمنى تعجبكم

الشيبه:قلبي شباب ولازم أعرس
مابا العيوز اللي تتوسد على الباب

الخير وايد وانا ماني مفلس
عندي فلوس تدعم البنك في حساب
العيوز:ما باقي غير خشمك وهالضرس
تبغي تعرس وانت غادي شالغراب
قابل صلاتك الله يشفيك م المس
والا ترى باطب ويهك بالتراب
الشيبه:انتى عيوز واكلك الروب والخس
اما انا ماكل غير تكه وكباب
ما فيني سكر غير ضغطي نازل بس
دام الهوى فيني ترى كل شي طاب
العيوز:لا بارك الله فيك يالشيبه يالنحس
ما تيبك الرمسه ولا اييبك اعتاب
قصرلي صوتك مابا اسمع ولا حس
عطني طلاقي وانقلع واقبض الباب
الشيبه:دومك نحيسه وذا لسانك يبا قص
ربي ترى حلل لي اربع بالكتاب
هذا خميس الاعمى يا كم عرس؟
مرتاح في الدنيا بلا هم واعصاب
العيوز:بطران وراسك كالصخر ويابس وعص
مالوم طبعك يوم ربعك هال000000
غادي شرا الاريل دومك اتحيس
استحي على ويهك اصلع ولعاب
الشيبه:فكيني من ويهك ترى ما لي نفس
زهقان من شوفك وابغي لي احباب
هذا طلاقك طالقه اربع وخمس
شلي طلاقك من ضميري بلا احساب
العيوز:مشكور يالشيبه ومن دون اي دس
عندي حبيب ما ابتعد لحظه وغاب
يشريك ويبيعك تراه ابثمن بخس
ما تسوى ظفره حلو اسمر وجذاب
الشيبه:يالله قبل لا موت منك واغتص
طلعتي لي قرون وراسي بعد شاب
يا شينة البرقع ترى قدرك اختس
عيوز ولك الدنيا خلان واحباب
العيوز:مثلك تراني وهذا لك في العمر درس
لاني اميز بين شيبه وشياب
والا نسيت اني على الموضه البس
ما علموك اني بلا شيله وحجاب
-----------------------------------------------------------------------
عذرا لاني كتبتها هنا لا ادري هل أكتبها في درة المجالس أم في المجلس الأدبي0000000000 وتحياتي
--------------------

**محارب الخيّال** · #2 18-12-2002, 00:18

الاخ المكابر

شكرا للمشاركه

الجميله

الخفيفه اللطيفه

تقبل تحياتي