قولوا لبوش الوقت دوار ..

**عثمان العبدالله** · #1 11-04-2003, 14:00

[poet font="Simplified Arabic,4,black,normal,normal" bkcolor="transparent" bkimage="backgrounds/8.gif" border="none,4,gray" type=0 line=200% align=center use=sp length=0 char="" num="0,black" filter=""]
قـولوا لمن غـرّه زمانه وصافاه = لو ضحك وقته يـوم لا بـد يبكيه
وقـولوا لمن وقتـه تغيّر وجافاه = لابـد تفرج يـوم ما كان هـاقيه
وقـولوا لبوش الوقت دوّار ياطـاه = مثـله مثـل غيره ولا هوب ناسيه
قبـله جـدوده والتتر مثل شـرواه = يـاما ثـأرنا منّـهم كان خـافيه
ومن قبـلهم روما وفارس فتحنـاه = من دون حرق اطفال والموت نهديه
نبني حضـارة ما نبي النفط نفـداه = بارواح ورعـانٍ ونحـرق أهاليه
طـاح القنـاع وبـان غـدرٍ تبنّاه = وزيف الحضارة انكشف لا تغطيه
وقـولوا لصـدام الذي صار فحواه = رقمك غلـط ، من أوّله لا تواليه
لا انت الذي هاجمت والخصم بحكاه = ولا انت الذي هادنت خصمٍ تعاديه
سـلّم على راسٍ تبي قطـع يمنـاه = واضحك بوجهه لين تمسك علابيه
العنـز ما تنطـح جبـل او تحـدّاه = بالعقـل ترقـى فوق راسه وتفليه
وقـولوا لمن لا يفهم الوقت يقـراه = فاللي حصـل درسٍ لعـله يصحّيه
من لا كسب شعبه بعـدله وتقـواه = يطمع به العـادي ولا احـدٍ يفاديه
لوخاف منه الشعب واظهر له رضاه = لابـد يثـأر منه لحظـة تردّيـه

يا واثـقٍ بالغـرب بانت نـواياه = ماله صـديق ولا ضميرٍ ينـاديه
اعتـاد مص الـدم والجرم مبـداه = غـدار كاذب خـادعٍ من يـواليه
تسمعه تعجب ، تنظر الفعـل تأبـاه = حريّتـه بارضه ومبداه لاهـليه
والرجل الابيض واليهودي والاشباه = اما البقيـّه شبـه اوادم بطـاريه
من لا خضع له كاملٍ يـوم يبـلاه = وينسى جهـود العبـد مادام شاريه
ياسرع ما يقـلب وينشر خزايـاه = من عقب ماهـو شيخ لا عيب يخزيه
والعـذر جاهز حق الإنسان يرهـاه = وهـو الذي ربّـاه ينكر ويشنيـه
ويجـيب غيره واحـدٍ يـوم ما تاه = حـافظ دروس مجـدّدة ما تعنّيه
والحـال يبقى دون تغييـر يقفـاه = في غـابةٍ قانـونها الغـرب يمليه

ما انتصر بـوشٍ بجيشه وطغيـاه = حنّـا انهزمنـا دام نمشـي مماشيه
الـبزر منهم لعبته قتــله عـداه = والتقنيـه تخدمه يقتـل وتحميـه
وقت الشجاعة صـار ماضي بذكراه = فاليـوم وقت العـلم في جو ينخيه
وحنـّا غدينـا غـراب ضيّع لممشاه = لاعـلم خـذنا لا.. ولا دين نشريه
ما عـاد به إيمـان عن قلب يهواه = كله مظـاهر او ستـارٍ لـراعيه
او عـادةٍ مـوروثةٍ من بقـايـاه = واصبح تجاري بايـرٍ دون تمويه
كلٍ غـدا عـــالم وكلٍ وفتـواه = وكلٍ ركض للجاه وابلـيس يغويه
والناس تاهت كل فــردٍ تغشّـاه = سمّ الحضـاره ما درى عن تواليه
ما حسّ بالتخــدير لو فيه بلـواه = مفروض يلهى كـود ينسى مآسيه
من مـرّ أو قهـرٍ وظـلمٍ تـوطّاه = ومما يشوفه ما لقـى الـدين يحميه
يمكن يروكـع مظهرٍ كـود يدراه = يعطي الشهاده عنه في يـوم يبغيه
ويمكن يصلي ويقلب البشت ورداه = ويقنت مثـل غيره وصـوته يعلّيه
ونقـول ليش الله حجب عننـا مـاه = وليش الـدعا ما له نتـايج تخاويه
سـلّـط علينـا الله من حـارب الله = ومن ذلنـا صـرنا ننفـذ شهاويه
يمـلي علينـا ما يبي دون نعصـاه = حتـى ولـو نعصى إلاهٍ ننـاجيه

من دون دينٍ صـادقٍ كيف نقـواه = ومن دون عقل وعلم صعبٍ تحـديه
ما قـال ربـي نتكل يـوم نلقـاه = لابـد من اعـداد قــوات تكفيه
ولابـد من اصـلاح ياخـذ بمبداه = حـرق الفساد وكل حصني يغطّيه
ولابد من عـدل ورجاجيـل تحماه = لا فـرق بين الناس محـدٍ يخاشيه
ولا بـد من خـوفٍ وخشية من الله = قبل البشر ومن قبـل يـومٍ نلاقيه

[/poet]

**ظامي الروح** · #2 11-04-2003, 14:24

[ALIGN=CENTER][TABLE=width:70%;][CELL=filter: dropshadow(color=darkblue,offx=1,offy=1) glow(color=skyblue,strength=5);][ALIGN=center]شاعرنا
الطائر المهاجر

أبيات رائعة تعكس واقعنا المؤلم
"ما انتصر بوشٍ بجيشه وطغياه
حنّا انهزمنا دام نمشي مماشيه "
اي و الله صدقت يا شاعرنا
سجل اعجابي و تقديري
مع تحياتي
ظامي الروح[/ALIGN][/CELL][/TABLE][/ALIGN]

**صالح النفيعي** · #3 11-04-2003, 14:42

<Center>
<FONT FACE="Monotype Koufi"><FONT SIZE="5"><FONT COLOR="blue">
مرحبا
مساء الورد
شاعرنا الرائع (( شاعر العثمانيات )) الشاعر الرائع
الطائر المهاجر
لقد ابدعت بالوصف وتصوير الحال الذي نعيشه بشكل
رائع ومترابط لله درك على هذا الابداع
صح لسانك ولا هنت
تحياتي لك

**المحتري** · #4 11-04-2003, 18:09

[ALIGN=CENTER]

الاخ المبدع المرهف الشاعر/ الطـــــــائر المـــــهـاجـــــر

صـــــــح لســــــــــــــانك ,نعم لقد اتحفتنا بهـــذه الرائعه.

بيض الله وجهك وسلمت يمناك.

واستشهد بقول الشاعر لقد اسمعت لو ناديت حي...و؟؟؟؟؟؟؟

وقولوا لمن لا يفهم الوقت يقراه
فاللي حصل درسٍ لعله يصحّيه

من لا كسب شعبه بعدله وتقواه
يطمع به العادي ولا احدٍ يـفاديه

كفيت ووفيت والله يعطيك العافيه.

تحـــــــــــــــــــــياتي,,

اخـــــــــــــوك

المــحـــــــــــــــــــــــــتري[/ALIGN]

**افـــ القمر ـــاق** · #5 15-04-2003, 17:52

[ALIGN=CENTER]
:rose الطائر المهاجر :rose

لا حديث
و لا كلمة
و لا حرف
بعد قولك

قصيدك يحرك السكون
في الأضلاع

و يهيج الصمت
في القلب

نعم صدقت
بكل معنى غزوت له
وكل عبارة كانت تدوي في الأعماق
لأنها صدقت
و صدقت
سلمت [/ALIGN]

**العقيدي** · #6 22-04-2003, 20:19

بيض الله وجهك
على هذه الحراب المسنونة التي سندتها هنا
تحياتي لك ولكل شهم غيور مثلك

**سفيرة الأحزان** · #7 22-04-2003, 22:31

[ALIGN=CENTER]الطائر المهاجر ..
كيف لحروفي ان تنتظم وسط روعة حروفك
التي رسمت لنا معاني حقيقه ..
فحروفي عاجزه عن الرد .. وتكتفي بقول ماأروع
حروفك .. وأعذب معانيك ..[/ALIGN]

**شامخ الهامه** · #8 03-05-2003, 19:13

[ALIGN=CENTER][b]الطائر المهاجر
[/ALIGN]

[ALIGN=CENTER]مــــــــبدع
*
*
*
رائــــــــــع

و الله و الله ياخوي ان هذه القصيده اكثر من رائعه بــــــــــــيض الله و جهك قصيدة جزلـــــــه من شاعراً جزل بكل

بكل الود و المحبه ارجو منك ان تسجل اعجابي الشديد جداً جداً بهذه القصيده:)[/ALIGN]

[ALIGN=CENTER] شامخ الهامه[/ALIGN]