منتدى بايخ... والشرهه على اللي يسجل فيه

عاشق الخيل · #1 03-05-2003, 01:52

منتدى بايخ... والشرهه على اللي يسجل فيه

السلام عليكم ورحمة الله وبركاتة :

الله حاط فيني لقافه ماهي في احد وخاصة في الانتر نيت ومثل عوايدي وهوايتي الحبيبة اتلقف في كل منتدى ازوره

لقيتلكم ذاك المنتدى اللي مزينينه اصحابه بالالوان الخنفشاريه وحاطين عقد لمبات

قلت ياولد يمكن عندهم زواج خاني ا سجل عندهم يمكن يوزعون شرهات بعد

وأجيك للتسجيل وحسيت طريقتهم غريبه شوي حاطين علبة مناديل كلينكس وطيب ( عطر ) علشان اذا خلصت من التسجيل تتطيب وتمسح بالمناديل

قلت بس منتدى الكولركس ذا ضمنا الترويشه كل شهرين
في هذا المنتدى الخنفشاري 0

سجلت عند الربع وإلا مطفين النور وحاطين إضائه خافته واللون الاحمر ومشغلين اغاني غربية
وقاصين شعورهم قصات غريبة هذا قاص قصة الاسد الأحول
والثاني قاص قصة الفيل اليتيم

ولابسين بناطيل ضيقة وتي شيرتات عليها صور مادونا
وما يكل ولد جاكسون وكتابات بلأتقليزي
كلها مسخرة وقلة حياء الصراحة

خفت على عمري قلت ياولد صكهم بنكتة علشان يرحبون فيني الربع وألطف الجو حقهم

وبما ان دمي شويه ثقيل وما اعرف نكت اتصلت على ولد جيراننا
الدب ويعطيني الدب نكتة ابيخ منها مافيه قلت ما يخالف صكهم بالنكتة وعلى الله بعد ما غلقت من كتابة النكتة والا الغبار طالع من النكتة من قدامها شوي

والا الردود والزوار وصلو يمكن 150 ما بين زائر ورادد ومردود وشوفوا التعليقات:

1) ياهوووه......... ايش هذا ياعسل

2) ارحمنا يالحبيب.......... ممكن رقم الجوال او الماسنجر

3) بسك ياعمري.......... قطعت بطني من الضحك

4)ياي جديدة نكتتك من وين جايبها ابي اشتري مثلها

5) ها ها... أي أي ..................لا مؤاخذة يابو الشباب حاشي ضرسي ما اقدر اضحك بقوة 000000

6)أقوول..... ممكن تقابلني .... أنا ميته فيك

المهم شكيت في اسلوب ها الشباب الطيب من ردودهم ذي وأزفت منها كتبولي قلت لا تسيء الظن عطهم موضوع ثاني ونشوف0

وكتبت عن موضوع اكرام الضيف وكيف يوم جاء ولد عمي خالد من الديرة وذبحتلة ( خروف ) نعيمي وعاد قاعد استرسل في الذبح والسلخ 0

وبعدها الله لا يوريكم كلهم ردو علي

صاحب الموقع .....والمشرفين........ والاعضاء وشوفوا عاد ردودهم :

1) يامتوحش...... كيف اعطتك نفسك تقتل الخاروف

2) يامسكين ياعمري......... يالنعيمي الله يرحمك

3) يازنوبة فردة يسار يامجرم ياسفاح يا متوحش

4) الله لا يعطيك عافية......... ما جاني النوم البارح من موضوعك البشع يا بشع كش عليك

5) ياماما...... ما ادري كيف اسوي....... المتوحش هذا وبعين قويه يعترف بقتله للخروف يا الله اهل الخاروف ايش مسووين دحينه 000000

المهم يا أخواني حسيت ان الربع من ماركة ابو ديك 0
وانحاش من عندهم هم ومنتداهم وانا .............. وما كنت اعرف ان فيه من ها الطقة والا ما دخلت عندهم لا بارك الله فيهم وفي منتداهم

وأجيك معود دربي والا ذاك المنتدى اللي يشرح الخاطر البنيان على احدث المواصفات ومواقف خاصة لكل عضو له موقف لسيارته وأدخل عندهم والا ذيك اللوحة وكاتبين عليها منتدى (( الساهر ))

قلت لنفسي اقلط عند الربع وشف وشهم من الرجاجيل والله يوم فتحت الباب والا المنتدى نظيف ومرتب حسيت اني بمستشفى ماهو منتدى والا مستقبلني واحد طويل عريض ومشخص ووسيم وأحسبه وزير وبغيت اصكه بمعروض ( متعودين على المعاريض )

ابتسم الرجال وعرفني على نفسه بأنة صاحب المنتدي واسمه محمد الكعبي وبكل تواضع سلم علي ونادى على واحده اسمها آفاق القمر وعرفه علي وقالها روحي مع الضيف الجديد وخليه يشوف أقسام المنتدى
أخذتني آفاق القمر وهي شابه في .......... من عمرها وطيبه ومثقفه
وما قصرت معايا راحت بي لسيب طويل
وعلى جنباته غرف وكل غرف لها اسم 00 المجلس الإسلامي00 والمجلس الرياضي ......والمجلس التراثي 00 والمجلس الأدبي 00 والمجلس العام

قلتلها بس ابي المجلس العام ودخلنا الغرفة والا فيها مجموعة من الشباب والشابات جلستهم وهدوئهم يفتح النفس
وبدءت تعرفني عليهم هاذاك اللي جالس وحده وقاعد يكتب ..0 اسمه المجروح واللي جالس بعده اسمه أبو يزيد
وذاك اللي دمه خفيف اسمه شمعة الجلاس واللي قاعد هناك ويشرب الشاهي هاذاك ولد الإمارات
واللي يمزح مع الأعضاء وينكت اسمه أبو خلووووووود

وقالتلي أجلس والله جلست وبديت أتعرف عليهم

(سفير الحزن ، دموووع العين ؛ العقيدي ؛ضحية صمت؛ وملكة دبي

وابو فهد والمشاغبة وكانت الغرفه مليانه بالأخوان والأخوات ما أتسع المجال لذكرهم كلهم )

وانا خارج أشوف واحده من الأعضاء وهي وراي واقوولها من ذي

قالتلي هاذي مشرفة الأصدقاء اتنفس حبك

المهم خرجنا من الغرفة علشان يسجلوني عندهم ويوم اني خلصت من تعبئة الاستمارة

أعطوني البشت ( مشلح )
بس قالولي اذا بغيت تطلع لا زم تسلم البشت

قلت ماني بطالع من عند الرجاجيل وأهل النخوة والفزعة والشهامة وأصحاب الأقلام المرحة وذات المعنى النبيل كيف اطلع من عند اللي شجعوني وبالورد استقبلوني ان كان من الأخوان أو الأخوات

بس قاهرني البشت كاتبين عليه من الخلف لا يجوز استخدام خاصية
الرسائل الخاصة إلا اذا بلغت 30 مشاركه

يالله تقبلوا تحياتي

**المشاغبه** · #2 03-05-2003, 02:25

[ALIGN=CENTER]

:iukyr

بصراحه انا قلت اكيد في مقلب :)

على العموم حياك الله ونورت ..

بس حلوه الجوله مالتك .. في قصر الساهر

امممممممممم

وامممممممممممممممم

يا حظك ... سوو لك جوله ... "اسبشل"

جوله خمس نجوم .. فيرست كلاس

درجة رجال الاعمال

مو احنا الدرجه السياحيه

<----- عينها ثلـــــــج... قصدي بااااارده وايد:iukyr[/ALIGN]

**الرحال** · #3 03-05-2003, 04:04

هذا و تقول أن دمك ثقيل أضحك الله سنك كما أضحكتني .. و مشكور بأسم أصغر عضو في حدائق الساهر.......... نفعنا الله بما فضل بعضنا على بعض ...............

**المجروح** · #4 03-05-2003, 12:27

[ALIGN=CENTER]

أهلا ومرحبا بك اخوي عاشق الخيل معنا في مجالس الساهر
اتمنى تكون المجالس حازت على اعجابك وتقديرك
وبصراحة حنا الكاسبانين انضمامك لنا

واهلا وسهلا بك بالمجلس العام على وجه الخصوص
وصدقني المجلس نور بدخلتك علينا

عاد تدري وش صار لمن دخلت علينا مع الأخت افاق
قلت في نفسي :
هذا العضو شكله مميز وفيه شي مختلف عن الباقيين
وحسيت ان عندك موهبة في الكتابة تختلف عن غيرك
وفعلا هذا اللي اكتشفناه مع مرور الأيام
وبعد ما قرينا لك اكثر من موضوع

اتمنى أن تتواصل أخي بنفس هذه الهمة العالية ونفس النشاط والتميز والابداع
وأتمنى أن نقرأ مشاركاتك معنا باستمرار

اتمنى لك دوام التوفيق والابداع وكل التميز والتألق
في سماء مجالس الساهر العزيزة
ولك مني خالص الود وعاطر التحية [/ALIGN]

**عاشق الخزامي** · #5 03-05-2003, 16:09

[ALIGN=CENTER]

عاشق الخيل..
مساء الخيرات ..

نعم هذه هي الحقيقة ..
منتدى الساهر يملك من التميز .. الذي يندر أن نجده في منتديات أخري
وصدقت في كل كلمة قلتها ..

واتمنى أن نراك في المجلس الادبي ..
طالما أن لك خيالاً خصباً ..
ولنتشارك في طرح الافكار وكتابة مواضيع جديدة ..

بإنتظارك

عاشق الخزامى[/ALIGN]

**أبو خلود** · #6 03-05-2003, 18:15

[ALIGN=CENTER]

عاشق الخيل

أجل حاطين لمبات حمر

هههههههههه

بس الحمد لله على السلامة

جات سليمة هالمرة

ولا كان صرت عاشق الكناري

تدري الفارس إلي مثلك

ما يصلح له إلا مجالس الفرسان

وأبشرك تراك وصلت

ياربييييييي بسرعة جيبو لنا عصير الفريز عشان الحلو هذا عاشق الحُصان

تشااااااو

ملاحظة: ياخي ليش زعلان على مجلس الأصدقاء ترى المواضيع هذي حقتنا

[/ALIGN]

**سفير الحزن** · #7 06-05-2003, 11:48

عاشق الخيل

الشرهه مو عليك الشرهه علي اللي اتعبت عمري ودخلت :love99

قلت الرجال يدور الفزعه عضيت ثوبي (( مغسول من 5 شهور )) ورحت لحلة القصمان على السوبر 82م وسحبت لك بعض الرجال من الرجال الأشاوس على وزن (( مدارس )) وجيت للمنتدى قلت بفك الرجال اكيد ماسكين شوشته ويصنفرون فيها جدران المنتدى
ويم قربت للمنتدى سمعت والمقولة على الراوي (( طليحان )) ان فيه رجال داخل بشت للمنتدى ... قلت يا ولد لا يكون من التشكيل الوزاري الجديد :eek: وانا اروح للسوبر وانزل ذاك البشت اللي له سنتين بالسياره والبسه واتكشخ عشان نقابل هالأنسان المهم ونفزع معها كود يجينا ترقيه ولا شرهه من معاليه وبالأخير القاك جالس تسولف عن قصتك مع قوم (( ابو ديك )) وسالفة الجوله في الساهر هنا
يا حسافه خسرتنا كم سندويشة جبن شريتها للربع اللي جو معي والبشت اللي لبسته والعجراء اللي تسلفتها من (( ابو العبد )) :19m

ثاني مره يا ليت يوم تبي تسولف تكتب سالفه عشان ما ندبك مثل المجانين ندور الفزعات لك

بعدين تعال ..... سفير الحزن دموعه تصب :eek: ( خبري اني مسكرهم )

اقول صدرك وسيع يجيله 14 متر مربع

تسلم اخوي على طريقة طرحك المميزه

سفير الحزن
بو فهد

عاشق الخيل · #8 07-05-2003, 17:04

المشاغبه :

المشاغبه هنا يامرحبا .....يامرحبا

إييييييييييه

خذوني ولفلفوني ويابولي العصير
وقالوا لي تغد معنا

قلتلهم لا والله ماني متغدي

المدام عندي طابخه

وياويلي لو تغديت خارج البيت

أقووولليك على سر

قربي شوي

بعد قربي

عطيني اذنك مابي أحد يسمع

تدرين اني لو تاخرت عن البيت ساعه واحده
بس تدرين ويش يصير

يووووووووووووووووه :19m

عموما سعدت بوجودك معي في الصفحة

لك مني خالص التحية

الرحال :

انتبه يالرحال لا تسوي سوات عاشق الخيل

ترحل من منتدى لمنتدى

خالليك إهني

وخالليك يمي

والحمدلله انك انبسطت وضحكت

عموما سعدت بوجوووودك معنا في هذا المنتدى

تقبل تحياتي

عاشق الخيل · #9 08-05-2003, 02:17

المجروووووووح :

هذه شهادة أعتز بها مع اني والله
كتابتي بسيطه

و اشكرك ياخي المجرووووووح على هذا الإطراء
اللي مااستحقه

ولك مني خالص الود والا حترام

وانشاء الله اتواصل معاكم على قدر استطاعتي
وظروفي

تقبل تحياتي

عاشق الخزامي :

شكرا لك أخي عاشق الخزامى
وفعلا وصلت لهذا المنتدى الجميل
اللي انشاء الله نكوووون فيه جميعا
من اخوة واخوات متحابين فيه لله

على طاري المشاركه في المنتدى الأدبي

لي مشاركة اسمها احتضار عاشق

ياريت ....ياريت .....ياريت

تنتقدها وتبين لي فين اوجه القصور فيها
من جميع النواحي لأن منكم نتعلم

حتى في مشاركاتي القادمه

وبالعكس أخوووك عاشق الخيل يتقبل
النقد بصدر رحب عشان يبي يتعلم

شكرا لك اخي عاشق الخزامي مرة اخرى

تقبل تحياتي

عاشق الخيل · #10 10-05-2003, 16:53

أبو خلووووووووووود :

حقيقة انا عاجز عن الشكر لمشاركتك لي الدائمة
في مواضيعي

وباذن الله تعالي سوف أطرح عدة مواضيع
في منتدى الأصدقاء

تقبل تحياتي

سفير الحزن :

والله انك ماقصرت وانت أبو الفزعات

عساك سالم وعلى القوة

ولا يهمك سدري وسيع خذ راحتك مع عاشق الخيل
حتى تعال شووووف ايش كثر وسع سدري

تسلم ياخوي سفير الحزن

تقبل تحياتي

دردشه :

إخواني وأخواتي سواء الذين شاركوا أم لم يشاركوا

أحببكم الله كما أحببتموووووووووني

ويعلم الله كنت أتمنى ان اشارككم في مواضيعكم
لكن هذه هي الحياة ومشاغلها وظرووفها
فانا استقطع من وقتي محاولا أن أكووون بينكم
بين هذه القلووووووب الطيبة

(ومثل الجليس الصالح كمثل حامل المسك )
فأنتم الجلساء الصالحين الذي يسعد الفرد بمصاحبتهم
وفقنا الله واياكم لما يحب ويرضى

ولكم مني كل التحايا من القلب

ودمتم سالمين

أخوووووووكم

عاشق الخيل

**بوادي** · #11 16-05-2003, 14:44

مع اني من العنوان فهمت السالفه ..الا انك وبصراحه يا عاشق الخيل كنت فارس في سرد الحوارات واجتزت برشاقه حواجز الكلمات ... وحصلت على بطولة رسم الابتسامه على وجه كل من قرأ اعتقد:iukyr... واللي جذبني رد سفير الحزن لك ..بصراحه اسمه على غير مسمى يستحق يكون سفير ابتسامه ...:yesyes

وسامحوني..مع السلامه

**العقيدي** · #12 16-05-2003, 23:02

عاشق الخيل
هلا والله بيك والله محيكحنا نفرح بمثلك وشرواك
وعلى قولة القايل كل ثوب له لباس وكل مجلس له جلاس
بس يا خوي شو هالماركة الغريبة ماركة أبو ديك
بالله عليك تشرح لي ولو في رسالة خاصة أذا كان فيها شيء بس أنا أبغي أعرف هالماركة بجد
تسلم ولك أجمل تحياتي

**أرنوبةالشيطونة** · #13 18-05-2003, 01:08

:yesyesyes
أنت صدمتني ...وبصراحة أذهلتني,,,
من أول وهله بصراحة انقهرت ليش هالعنوان ؟بصراحة ما عجبني لأني وايد أحب المنتدى برغم أني جديدة عليه..بس بصراحة تعلقت فيه وايد مميز وراح تحس بهشي وطبعا مع كرم الضيافة شفت هالشيء...
أسلوبج وايد حلو ومميز ولها نكهة المرح..أحنا فرحانين فيك وبوجودك..
ماشاءالله طلتك وتعريفك عن نفسك بطريقة عجيبة...الله يحقظك..
أختك:أرنووووووووووووووووووووبة
:nict

**مجنون سحايب** · #14 18-05-2003, 05:22

السلام عليكم ورحمة الله وبركاته

حبيبي اولا وقبل كل شي والله لمن قريت العنوان قلت من هو هذا؟؟؟؟؟

ثانيا ليه مافيه مشرفين هنا يحذفون عنوانه شكله واسطه صاحب الموضوع

ثالثا تبي الجد والله اني قلت في نفسي يؤيؤيؤيؤ مين هو قوي العين اللي يكتب مثل كذا

ولكن لمن دهلت وقريت انشهدددددددد انك جذاب وانا اخوك

ومضوعك يستاهل انه الواحد يقراه وبتمعن وبتدقيق

ولا بخفي عليك انه المشرفين يوم شافوا الموضوع دققوا كل كلمة قلتها

عاشق الخيل · #15 21-05-2003, 16:22

بوادي :

شكرا لك أخي بوادي على مرورك وتعقيبك
البسيط والمفيد في نفس االوقت

وأتمنى ان تشاركني باستمرار في مواضيعي
على قدر استطاعتك

فمنكم أستفيد

تحياتي لك أخي بوادي

لا عدمناك

العقيدي :

حياك الله أخي العقيدي ولا يطيب السمر
والجلسه إلا بيك وبأمثالك من أخوان وأخوات

وبالنسبة لماركة أبو ديك :

ماركة أبو ديك سلمك الله

ماركة صفر على الشمال

كيف يعني

يعني من بررررررررررررررى(الخارج ) الله الله

ومن جوووووووووى (الداخل ) يعلم الله

يعني مثل الديك

تشوووووووووف الريش الزين
والنفخة الكذابه

وهو منسم ...... ماعنده سالفه

يعني ماتقدر تركن عليه

حتى في حياته..... الاسرية

أنت تعرف

لمايقولون made in england

ولما يقولون made in taiwan

which better

طبعا الفرق واضح بين الصناعه الإنقليزيه
والصناعه التايوانيه

عاد بتجي بتسألني يالعقيدي

بتقوووووووووووووولي

اشلووووووون أعرف هالريال من ماركة أبو ديك

ولا ................لا

عاد هاذي يبيلها قعده طويله وسالفتها ماتخلص

سعدت أخي العقيدي بوجوووووووودك
وإثراء صفحتي

تقبل تحياتي