((( اخوي حمر عين )))

**محمد بن سعد الرويضان** · #1 29-09-2003, 16:44

[poet font="Arial,5,white,normal,normal" bkcolor="black" bkimage="" border="none,4,gray" type=1 line=200% align=center use=ex length=0 char="" num="0,black" filter=""]

اخوي حمر عين اعذرني على
القصور والتأخير

يا مرحبا يا صاحبي وصح الأبدان=حييت يا غيثٍ رقبنا مخيله

من نجد مبداها إلى قصر دسمان=لأرض العراق الظامره النحيله

سحابةٍ تبرق على دار سلمان=ومرت قطر من فوق سودا نثيله

وفي دار زايد شيوخنا الـ.. نهيان=هل المزن واسقى فياضٍ محيله

وسالت فياضة وارتوت هضبة عمان=ولم اليمن حول توالي مسيله

ما تستوي الدرة بلا شخص فنان=يرسم لها بحروف شعره فتيله

وتنور الشمعة على كل الأركان=ويعكس صدى شعره عناوين جيله

الدار دارك يا حمر وانت عنوان=يا شاعرٍ يسرج من الشعر خيله

للدرة ارجالٍ على طول الأزمان=وانته من اللي نستمع الـ ... عويله

تجرها يالذيب على كل الألحان=وتروي بحور الشعر وتشيل شيله

اقبل عسى في جيتك يعود ما كان=وتطرب لشعرك كل عينٍ كحيله

في درة الساهر ( بسم الله الرحمن )=صالح عشقها لين صارت حليله

ظامي غرس من وردة الحب بستان=وافاق تطوي الحرف طي الجديله

ابوسعود الجذع وإخوانه أغصان=والساهر اللي اعتلا بالطويله

محارب خيال اللي له الكل ولهان=يكتب وكن العشق في شط نيله

ريانة اللي تنسج البيت بالوان=وتمزج عليه أنفاس روحٍ عليله

اذكر شموخ الحرف طارق سليمان=والطائر اللي صعب تلقاء مثيله

ولد طويق اللي كما عود ريحان=ريحه يفوح وان غاب مده طويله

دعوة نوجهها إلى كل عطشان=يارد مياه النبع ويشد حيله

بالدرة ارجالٍ ترحب بالإخوان=وما خاب من قال ( الله وكيله )

شامان / محمد الرويضان

[/poet]

**حمرعين** · #2 30-09-2003, 03:00

[poet font="Arabic Transparent,5,black,bold,normal" bkcolor="transparent" bkimage="backgrounds/15.gif" border="none,4,gray" type=2 line=200% align=center use=ex length=0 char="" num="0,black" filter=" dropshadow(color=gray,offx=1,offy=1) glow(color=silver,strength=11)"]
ومنك السموحه ياشامان
.
.
أهلاً هلا لاهنت يابن الرويضان
لاهنت ياراعي العـلوم الجليله

أهديتني حرف(ن) على الصدر نيشان
وكرمتني والجود هذا دليلـه

وشكرك من قلبي ولاهنت شامان
ولاخاب ظن إلي يعدّك زميله

وتبقى الفضايل بين داين وديّـان
ليما نرد ديون اهل الفضيله

ويبقى قصيدك عند حضر(ن) وبدوان
أحلا من السكر على نظم جيله

أبْدعت يا باني من الطرق ديوان
يلي بحور الشعر فـّزت تجي له

جاتك على ماتريد يالذيب سرحان
مثل العروس إلي تجر الجديله

مدّت يديها وصافح الكف نشوان
حر ٍ كفخ روس الرواسي العضيله

هيّضْتنـي وهاضت على الحس وجدان
ومشاعر(ن) ياوالله إنها جميلـه

ابحرْت في وصفك وسافرت بلدان
كالسندباد بألف ليله وليـله

أقطف من الاوطان نرجس وريحان
وريح الخزاما لي سحرني خميله

وتلفتت عيني من الشوق هيمان
للي تحن إلها القلوب العليلـه

دار(ن) حمى هالله من الانس والجان
والله حفظها من النفوس الرذيله

هي دار خو نوره بها العز ماهان
ستر المخيف ومن عناها دخيله

هذي الديار إلي على مر لزمان
تبقى ولو مال الزمن كل ميله

وذكرت ربع(ن) لي لهم عز(ن) وشان
ومن طيب طيبك ماتركتوا وسـيله

أعجزتني ون كان يوفي لك لسان
تبقى المعاني بحق شكرك قليله
.
حمرعين
[/poet]

**صالح النفيعي** · #3 01-10-2003, 00:10

[poet font="Simplified Arabic,4,blue,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]

مرحبا
مساء الورد
عزيزي شيمو لقد ابدعت بما تحويه الكلمة من معنى
صح لسانك وسلمت قريحتك على هذا النظم الرائع

شامان ياشامان يا طير حوران=جبت المعاني كالسيوف الصقيله

قلت الحقيقة كامله دون نقصان=والرجل مثلك ما يجيب الهزيله

سلمت يمينك يا ابيض الوجه شامان=انا اشهد انك من خيول ٍ اصيله

تحياتي
[/poet]