((( الـــــــــــــــرد )))

**حمرعين** · #1 03-10-2003, 23:19

[poet font="Arabic Transparent,5,black,bold,normal" bkcolor="transparent" bkimage="backgrounds/15.gif" border="none,4,gray" type=2 line=200% align=center use=ex length=0 char="" num="0,black" filter=" dropshadow(color=gray,offx=1,offy=1) glow(color=silver,strength=11)"]
ومنك السموحه ياشامان
.
.
أهلاً هلا لاهنت يابن الرويضان
لاهنت ياراعي العـلوم الجليله

أهديتني حرف(ن) على الصدر نيشان
وكرمتني والجود هذا دليلـه

وشكرك من قلبي ولاهنت شامان
ولاخاب ظن إلي يعدّك زميله

وتبقى الفضايل بين داين وديّـان
ليما نرد ديون اهل الفضيله

ويبقى قصيدك عند حضر(ن) وبدوان
أحلا من السكر على نظم جيله

أبْدعت يا باني من الطرق ديوان
يلي بحور الشعر فـّزت تجي له

جاتك على ماتريد يالذيب سرحان
مثل العروس إلي تجر الجديله

مدّت يديها وصافح الكف نشوان
حر ٍ كفخ روس الرواسي العضيله

هيّضْتنـي وهاضت على الحس وجدان
ومشاعر(ن) ياوالله إنها جميلـه

ابحرْت في وصفك وسافرت بلدان
كالسندباد بألف ليله وليـله

أقطف من الاوطان نرجس وريحان
وريح الخزاما لي سحرني خميله

وتلفتت عيني من الشوق هيمان
للي تحن إلها القلوب العليلـه

دار(ن) حمى هالله من الانس والجان
والله حفظها من النفوس الرذيله

هي دار خو نوره بها العز ماهان
ستر المخيف ومن عناها دخيله

هذي الديار إلي على مر لزمان
تبقى ولو مال الزمن كل ميله

وذكرت ربع(ن) لي لهم عز(ن) وشان
ومن طيب طيبك ماتركتوا وسـيله

أعجزتني ون كان يوفي لك لسان
تبقى المعاني بحق شكرك قليله
.
حمرعين
[/poet]

**محمد بن سعد الرويضان** · #2 04-10-2003, 17:24

[ALIGN=CENTER]العزيز
حمر عين

اسعد الله ايامك

وذكرت ربع(ن) لي لهم عز(ن) وشان
ومن طيب طيبك ماتركتـوا وسيلـه

اشكرك عزيزي على حسن حضورك
وعلى لفتتك الكريمه في ذكر
بقية الاخوان
الذي اتمنى من اعماقي تكرمهم
بمشاركات تنتظرها الدره
وينتظرها محبين لهم

وسجل اعجابي وانتظر تواصلك

شامان[/ALIGN]

**صالح النفيعي** · #3 04-10-2003, 23:26

[ALIGN=CENTER]
مرحبا
مساء الورد
اشكرك اخي وشاعرنا الرائع حمر عين
على هذا الابداع الرائع والجميل
صح الله لساااااااانك ولا هنت
تقبل تحياتي وتقديري[/ALIGN]