(غالي ) أنا لو طلبتك خابرك فزّاع

**فارس الخليج** · #1 11-10-2003, 01:37

(غالي ) أنا لو طلبتك خابرك فزّاع
ما قِدْ خبرتك في مرّه تجهل الداعي

يا خوك أنا صابني غروٍ عليه طْباع
ما ريّحتني طباعه زادت أوجاعي

حبّه سطا بي وقلبي في هواه انصاع
قلبي خذلني وانا اللي خابره واعي

له منزلٍ في شراييني وله مرباع
له مركبٍ ما أظنّه يقبل شْراعي

له طلّةٍ تقنع اللي ما يبي الاقناع
له في فوادي بريد وْ له بَعَدْ ساعي

له فزّةٍ ما تقول إلاّ ظبي وارتاع
يمشي وكنّه يقول القاع ذي قاعي

الضيق في مبسمه أمّا العيون وْسَاع
ما مرّ زينه وصوفٍ ما لها داعي

إن قال كلمه تحسّ بقمّة الامتاع
وِلْيَا سكت كنّه اللي لاوي ذْراعي

(غالي ) انا باسألك وش حيلتي لو ضاع
كنّ المشاعر رعيّه ضيّعت راعي

يا خوك لا هو شرى حبّي ولا هو باع
عَلّمني الصدق هو ناوي على وْداعي؟

[ALIGN=CENTER]قصيدة منقوله واعجبتني و اهديها لكم

فارس [/ALIGN]