لبعض الأزواج.. رفقا بالقوارير

**عثمان العبدالله** · #1 14-10-2003, 00:31

[poet font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
جتني تشكّى من الألم والمعاناه = والضرب واضح والدمع في مآقيه
تبكي حبيب القلب جوره توطاه = من عقب ما هو بالمـودّه يراعيه
تقـول عيب يبيّح القلب شكواه = لكنّ جـرحه يكشف اللـي يخبّيه
يا حيسفا عمرٍ قضيته ابرجواه = اشريه بالغـالي وبالروح انا افديه
زوجي تغيّروانقلب ذيب بعواه = يفرس هله من دون عقـلٍ يخاويه
ياما تحملته وانا اركض على رضاه = واثره طغى بالجور وابليس يغريه
يخطي عليّ بلا سبايب ولا سواه = ويهينني عند الأهل او ابناخيه
ما نيب عبده اشتراها ولا شاه = حرّة اصيلة ، مقبل اللي يسويه
وش غيّره وش بدلّه ويش اعماه = وأنا حسبته حرّ ثبته مباديه
امن اولٍ افرح إذا جات طرياه = واليـوم كرّهني بنفسه وطاريه
وبيتي من اول جنةٍ دوم انا اهواه = واليوم احسّه نار مالي بصاليه
رجلي ولا ادري وش يبي زاد بلواه= حساس جاهز ثايرٍ في تحدّيه
ان جبت له ورع يبي بنت تلقاه = وان جبت له بنتٍ يبي ورعٍ يغليه
وهـذي امورٍ عند رب السماواه = لكن جاهل يحسب الأمر بيديه
بالله قل له جــاوز السيل لزباه = فيني يخـاف الله اذا كان يرجيه
ما هي رجوله فعلته في اللي اعطاه = قلبه وعمره ساكتٍ عن بلاويه
من يضرب الحرمه جبانٍ من اقصاه = لو به شجاعة كان حلمه يباريه
حرمتك سترك تحفظ اسمك وتحماه = ان كنت حاضر او مسافر وتغليه
لاتحـدّها تثـأر بلحظـه من الآه = من حرّ ما توجس ببيتك ولاضيه
تنـدم علـى فعـلك بحبٍ ترهّاه = وتهدم حصين البيت لا شئ يبنيه
يا غـافل استيقـظ تفّهـم لمعناه = حكم ضميرك والعقـل لا تخليه
"يا انجشه رفقاً " ، كـلامٍ بمغزاه = سيد البشر قـاله ، ولازم تراعيه
والله ومرنا بالعتـق ، كيف تنساه = وتستعبد الحرمه وتجهـل مآسيه
من لا احترم نفسه ترى الخلق تاطاه = ومن يضرب الحرمه يدور مداويه
بالعقـل سايسها مثـل مهر ترعاه = وبكلمة حنانٍ تملك القلب تشريه

[/poet]

**محارب الخيّال** · #2 14-10-2003, 12:38

عندما يكون الشعر
\
\

امتدادا لمقدس

لاشك ان هذا الشعر

سيكون سامي المعنى

والهدف والغرض

الاخ الغالي

الطائر المهاجر الى مدائن الجمال

الف لله درك

تقبل كل تقديري

اسيره خالد · #3 15-10-2003, 02:46

مساء الخير (الطائر المهاجر) اجمل باقه ورد لاجمل قصيده..

قصيده رائعه...وتسلم يمين كاتبها...

تحياتي..

**العقيدي** · #4 15-10-2003, 10:56

طائرنا المهاجر
هو كهذا دائما يأتينا بما هو مفيد ويعود بالنفع على الجميع

من يضرب الحرمه جبانٍ من اقصاه لو به شجاعة كان حلمـه iiيباريـه
حرمتك سترك تحفظ اسمك وتحمـاه ان كنت حاضر او مسافـر iiوتغليـه
لاتحدّهـا تثـأر بلحظـه مـن iiالآه من حرّ ما توجس ببيتك iiولاضيـه
تنـدم علـى فعلـك بحـبٍ iiترهّـاه وتهدم حصين البيت لا شئ iiيبنيـه
يا غافـل استيقـظ تفّهـم iiلمعنـاه حكم ضميـرك والعقـل لا iiتخليـ

**ظامي الروح** · #5 17-10-2003, 15:00

[ALIGN=CENTER]
الطائر المهاجر
عودة حميدة الى اعشاش الدرة
عاد لنا شاعرنا محملا بقصيدة اجتماعية
رائعة رائعة لا يكتبها الا هو
صح الله لسانك يا الشاعر
تقبل تحياتي
ظامي الروح[/ALIGN]

**محمد بن سعد الرويضان** · #6 18-10-2003, 01:22

[ALIGN=CENTER]

استاذي العزيز
اسعد الله ايامك

نعم عندما ياتي طائرنا المهاجر
سياتي متنوع قوي متمكن بجزل
نظمه الموضوعي والنموذحي

صح السانك وطاب لقائك

شامان[/ALIGN]

**افـــ القمر ـــاق** · #7 20-10-2003, 16:03

<center><div style="width:100%;filter:shadow(color= silver,strength=20);color:"><BR><font color=" black " size="5" red="red">

أحسنت في ردك يا طير طاير في سماه

بالعون ردك كان وافي في مباديه

رفق القوارير وصاكم به جل علاه

فاحسن اليهن كل خيرٍ تلاقيه

شاعرنا الطائر المهاجر

أعجبني ردك عن من أتت تشكي
قسوة زوجها لها
وفي ردك برهان كبير
على سمو معاملة المرأة

تحياتي

**محارب الخيّال** · #8 13-11-2003, 02:51

درس اجتماعي

يرفع للفائده

كل التقدير اخي الطائر المهاجر