حبيب القلب كذاب

**العقيدي** · #1 16-10-2003, 19:57

[poet font="Simplified Arabic,4,white,normal,normal" bkcolor="sienna" bkimage="" border="none,4,gray" type=0 line=200% align=center use=ex length=0 char="" num="0,black" filter=""]

يا مزملي بالقاف زكيت=وأبني بـيوت ما لـها أبـواب

قلبي على الوافين شفيت=في شفهم جاسيت الأتعاب

دورت بين الناس لـفيت=بين العرب وأهلي وأصحاب

وجربتهم والله ما ريت=غير الوفى بأهـل الوفى طاب

أحباب قلبي ويش سويت=فيكم ترى كل الرجاء خاب

ماني عليك اليوم زليت=وبعشرتك منسوع الأرقاب

ولا ضنتي مثلك تماديت=ولا هقوتي أتصدق غراب

يا أبن العرب عني تخليت=خلك نصوح وأشرح أسباب

يا أبن النفيعي يا الخوي ليت=عندك دوى عاشق ومصطاب

في حب من نوره شرى الليت=مــثل الخضيض مزبد و راب

والعنق مثل الريم بالصيت=اللي يرتعي أقميم الأهضاب

والعين ناظر سحرها ميت=وكانه ســلم تقتله الأهداب

غمري وخذني الشوق مريت=صادق هوى والشوق غلاب

لو كنت أدري ما تمنيت=يظهر حبيب القلب كذاب
[/poet]

عاشق الخيل · #2 17-10-2003, 01:33

أبـواب

الأتعاب

وأصحاب

طاب

خاب

الأرقاب

غراب.

أسباب

ومصطاب

و راب

الأهضاب

الأهداب

غلاب

..................***يظهر حبيب القلب كذاب

أخي العقيدي

كلمة رائعه هذه القصيده تعتبر أقل مما كتبته انت

استمتعت بما كتبته وجعلتني أتغنى بها

لك تحياتي

**محمد بن سعد الرويضان** · #3 18-10-2003, 16:48

[ALIGN=CENTER] يا مزملـي بالقـاف زكيـت ....وأبني بيوت ما لهـا أبـواب

قلبي علـى الوافيـن شفيـت....في شفهم جاسيـت الأتعـاب

دورت بيـن النـاس لفيـت ....بين العرب وأهلي وأصحاب

ابوسعود اسعد الله ايامك

جميل ماحمله لنا هذا المزمل
بوح صادق من شاعرً كبير في نظمه
في حظوره في نحته لاعمال شعريه ذات
ابعاد خياليه
واسنادك على ابوخالد ياتي في محله
ننتظر عاشق الدره ونحن نحتسي فنجال
الرجال لقهوة عربيه سيقدمها لك ابوخالد
سلمت وصح السانك
المحب / شامان[/ALIGN]

**صالح النفيعي** · #4 18-10-2003, 22:29

[poet font="Simplified Arabic,4,white,normal,normal" bkcolor="darkred" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
مرحبا
مساء الورد
ابو سعود هلا وغلا اسعدني هذا المزمل الرائع
صح لساااانك ولا هنت يالذيب
استلم لا هنت واتمنى ان يرقى لمستوى مزملك

بالقاف فوق الرجم عديت=اصوغ قافي واحسب حساب
والنار فوق الرجم شبيت=جالس وحيدٍ واكتب كتاب
للي دعاني جيت لبيت=ابن العقيدي صاح طلاب
يا مرحبا بك والك فزيت=ياصاحبي وش فيك مرتاب
قال العذارى منهن اهويت=شيخة جمال وحسن جذاب
تلت خفوقي عقب ونيت=ونة قريص ٍ عضه الداب
اعطيتها ولحبها اوفيت=والقلب من حب الغضي ذاب
على الوعد يا صاحبي جيت=انشد وادور بين الاجناب
ما عن وليف القلب اوحيت=علم ٍ يطمن قلب ما تاب
عن درب حب البيض ازريت=اتوب حتى والشعر شاب
قلت الهوى وش له تعنيت=مالك وماله صعب الادراب
وش فيك بعد الحج رديت=الحب قبلك عذب اشناب
يا صاحبي لا والله افنيت=عمرك ولا لك عندنا اطباب
عن كل عاذل ليتك اخفيت=حبك مدامك حيل منصاب

تحياتي وتقديري
[/poet]

**حمرعين** · #5 20-10-2003, 03:19

[ALIGN=CENTER]الشاعر العزيز الغالي / بوسعود ..

الحب مثل النوم والنوم سلطان

ليست بغريبه شاعرنا ان نجد:
للحس ..

والذوق ..

والفن ..

والابداع ..

موعد هنا بين احضان هذه الرائعه ..

لاهنت لاهنت ..

حمرعين[/ALIGN]

**العقيدي** · #6 20-10-2003, 13:28

عاشق الخيل
حبيب قلبي
وجود مدادك
بين صفحات
قصائدي
هو الأروع دائماً
تسلم وتبقى يا طيب القلب

**العقيدي** · #7 20-10-2003, 13:34

مشرفنا الحبيب
أبو سعد
أسعد الله جمبع أوقاتك بالخير والسرور
يا خوي مالي سند أتوكا عليه ألا أبو خالد وأمون عليه
وأنت أخبر بالباقي
تحياتي لك وسلامي

**العقيدي** · #8 20-10-2003, 13:42

أبو خالد
كفيت و وفيت
ولا عليك زود
تسلم وتبقى يا سندي
أخيك المخلص دوما وأبداً

**العقيدي** · #9 20-10-2003, 13:49

اخي الحبيب
حمر عين
تسلم يا الخوي
الله يرفع مقامك
زيارتك تترك واقع خاص
وكلماتك تترك صدى متميز خلفها
تقبل شكري وتقديري لك
أخيك

**اخت المها** · #10 21-10-2003, 15:19

مرحبا ...

هذا ما عهدناه منك يا العقيدي ..

صح الله لسانك مليووووون .. تسلم و تدوم

تحياتي .. اخت المها

**العقيدي** · #11 21-10-2003, 15:41

اخت المها
شكري وتقديري لشخصك الكريم على مرورك أختي الفاضلة من هنا
تسلمين يا رب

**ظامي الروح** · #12 21-10-2003, 17:36

[ALIGN=CENTER]
حضرت
لأستمتع
و لاصفق طويلا طويلا
لأستاذيّ الرائعين
العقيدي و النفيعي
صح الله لسانكما
أبدعتما
تقبلا تحياتي
ظامي الروح[/ALIGN]

**العقيدي** · #13 21-10-2003, 18:39

ظامي الروح
شكري وتقديري

لحضورك المنوهج

بين السطور

مشرفنا الغالي

اجمل تحياتي اليك