.. ( عينـي قــذت لانـوم لامــاش راحــه ) .. شـامان

**ولد طويق** · #1 22-10-2003, 15:25

..

.. كل الشكـر والتقـدير للقـائميـن على المنتـدى من اداره ومشـرفين واعضـاء على جهـودهـم المبـذوله ونشاطهم للرقـي بمنتـدانا الغـالي .

.. تشرفت بمقـابلة الغـالي شـامــان بعـد عـودتي من الإجـازه ليلة الثـلاثاء المـاضي ( كانت زيارته للإطمئنـان على علـوم اخـوه الصغـير اثنـاء إجـازته ) . بس شـامـان سرى بدري الساعه 12 لارتباطه بمووووعـد مهـمممم .

.. وحسـب طلبـك يالعضــيد .. استـلم طال عمـرك

..

يبـو سعــد يخــوي ياطــول ذالليـــل

................................ عينــي قــذت لا نــوم لا مــاش راحـــــــه

افــزع لخـــوك الحــيل منهـــد بي حيــل

................................ القـلـب ولّـت راحتـــه وانشـــــراحــــــــــه

مـن بعـد فـرقــا الخــل والدمــع همليــل

................................ نـارن وخـــدي صــار للـدمــع ســـاحـــــه

والــدم فـي قلبــي مثــل فــايـح الهــيل

............................... مـالي جـــدا غــير السهــر والنيـــــــاحـه

عينــي بعينــه نظــرة (ن) مابهــا قيــــل

............................... يـوم الـوداع لا عـــاد ربـــي ريـاحــــــــــه

شـــدّت عـلـى كفــي واوفــيت بالكــيل

.............................. قلبــي لغــيره مابقــى بـه مســــــاحـــه

ياحــلوهــا ايــــــام مــرت بتعجـــــــــيل

............................ شعــر وسهــــر والــزين يحـــلا مـزاحــــه

فيــهــا قطفــت الــورد والحــب تدليــل

............................ وردت عـــذبـه وارتــويـــــــت بقــــراحــــــــه

لـو خــيرونـي فيــه ابــدا فــلا ميـــــــل

............................ حســنه ملـك قلبـــي بخــلق وسمـــاحـــــه

والحــين صــرنـا بعــيد تبقــى المــراسيـل

............................. همــزة وصــل والـذاكــره لـه بــراحــــــــــه

يـامســـندي يخــوي عجّــل بتعـــــــديل

............................... رايــك دوا قلــب (ن) تــزايد جــراحــــــه

واختـــامهــا يخــوي ( يافـارس الخــيل )

.................................. لا عــادهـا ســاعـه نــويـت السيــاحـه

..................................

ولكـم الشكـر والتقـدير .. حمـد بن محمـد المنصـــور

**العقيدي** · #2 22-10-2003, 19:00

وأنا أقول وين العرب راحت
أترايهم مسافرين جولة سياحية
الحمد الله على سلامة الوصول ..يا حمد
وهذا حنا ناطرين رد أبو سعد
تحياتي للجميع

**صالح النفيعي** · #3 24-10-2003, 14:14

[ALIGN=CENTER]مرحبا
مساء الورد
هلا وغلا يا بو محمد والحمد لله على السلامه
رائعه رائعه رائعه والله يعين المولع يابو محمد

صح لسانك ولا هنت عوايدك الجزل
ننتظرك ياشيموووووو :)
تحياتي[/ALIGN]

**اخت المها** · #4 30-10-2003, 13:23

ولد طويق ..

صح الله لسانك يا الشاعر ...

و في انتظار رد شامان ...

تحياتي للجميع ..

اخت المها

**صالح النفيعي** · #5 31-10-2003, 22:54

[ALIGN=CENTER]مرحبا
مساء الورد
شيمو والله لو تطبخ بعير ياخوي يمديه احترق
خخخخخخخخخخخخخخخخخخخخخ
وراك وراك لين نشوف ردك لو اثبت القصيدة

بتظرك بس عجل علينا

تحياتي [/ALIGN]

**صالح النفيعي** · #6 17-11-2003, 22:48

:)

**الحلم البعيد** · #7 23-11-2003, 04:33

[align=center]الجميع في انتظااااااااار الرد

حييييييييييييت يارجل له ايام مفقود

واحنا على جمر الغضى بانتظاره0

بسررررررررررعه عاد لا تتأخر علينا

نبي الحل لهذا المسكين00

قصيدته تقطع القلب 00

تحيااااااااااااااتي للجميع0[/align]

**محمد بن سعد الرويضان** · #8 30-11-2003, 03:30

[align=center]

ابومحمد
اسعد الله ايامك وكل عام ولنت بخير
واشكرك على قبولك تأجيل الرد

اقتباس:

. بس شـامـان سرى بدري الساعه 12 لارتباطه بمووووعـد مهـمممم .

اما هذي مردوده ومنول ناوي اعطيك العلوم
والظاهر اني ابغير رايي

ابوخالد ياشينك اذا بغية شي
لازق لازق
تسلم يالغالي
واستلم الله لايهينك[/align]

[poem=font="Times New Roman,5,purple,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لله اكبر .... يالسنافي .... ما طلبت المستحيل=
وانت سيد العارفين وشكوتك ... قلب وجراحه

من لفى درب المحبة .. وانتقى الدرب الطويل=
يركب اشواق الفراق ... والفكر يطلق سراحه

يختصر كل المسافة .... في خطوط المستطيل=
ولا وصل حـد النهاية ضاقت اعيـون المساحه

صاحين زادة جروحه .... وغافين فاقـــد خليل=
لملم الهوجاس لملم .... ولا يصحيك الا مزاحه

بس وقف لي اشويه ... واعتـرف وهات الدليل=
كانها العنقا الطويلة ..... فالهــواء جـدد رياحه

كانها البنت القصيــرة ... فالعشق غصنه يميل=
العب بمضمون همسك .... ونكسر حد الاباحه

عارفن كل الدروب ... وظاميـن يرجي المخيل=
خلها تامر ضروفي .... وانثــرالكادي بوشاحه

في ديارن للمسافر ...... نزهتــن تشفـي العليل=
لاختلط فيها مشاعر ... واوجس القلب ارتياحه

وغرد القمري بلحنه ... وانثنى الخصر النحيل=
وارتوت عين الرفيق .. وخافي المضمون باحه

واعلن الساري غرامــه واغرق الوادي المسيل=
واثمرة نبتة عذابك .... وردتن تشكي الصراحه

ماتبي وقت الفراق ..... وموتها طاري الرحيل=
اه ياشين الموادع ...... في مساه وفي صباحه

وان بغية الصدق جيتك ...... شايلن حملن ثقيل=
جيت بالعلم البعيد ...... وهاجسي جدد كفاحه

لنت باير في وصالك .... ولا أنا بوصلك بخيل=
جدد الموعد أجازه ... وخل جارك في مطاحه

واحجزالمقعد امامي ....... خطوتن تبدا بيميل=
نارد الماء في فياضة ... صافين نشرب قراحه

علها تبـرا جروحك .... بليلةً من الف ..... ليل=
( عشرة ) ايامن نبيها ..... وكلها بند السياحه

وان بغيت الزود أمر....... لغير هالديره نحيل=
المهم يطيب فالك .... وخاطرك يكبح جماحه

أخوك / محمد بن سعد الرويضان ( شامان) [/poem]

**صالح النفيعي** · #9 30-11-2003, 07:18

[align=center]مرحبا
صباح الورد
هلا وغلا يابو سعد والحمد لله على السلامة
اسعدني رؤية هذا الرد الجميل المتوقع
ويحق لي انتظره لسنين طالما انه بهذه الروعه

ويمين الله لو ما قلت غير هذا لكفاني

بس وقف لي اشويه ... واعترف وهات الدليـل
كانها العنقا الطويلـة ..... فالهـواء جـدد رياحـه

كانها البنت القصيرة ... فالعشـق غصنـه يميـل
العب بمضمون همسك .... ونكسر حد الاباحـه

تسلم يابو سعد ولا يهون ابو محمد على هذا
العطاء الرائع ودامت المحبه[/align]

**محمد بن سعد الرويضان** · #10 06-12-2003, 11:03

[align=center]
ابوخالد
اسعد الله ايامك

تسلم يالغالي على هالتفاعل العذب
واعذرني على الاطاله بالموضوع
وابومحمد يستاهل اكثر

شامان[/align]

**مجنونها** · #11 06-12-2003, 12:32

اه واهات فى قلبى سأسكبها

كى تستجير اليك من العدوان
والقهر^_^