سيول الكلام&&&

اسيره خالد · #1 16-11-2003, 06:07

وش بعد ياكل الأقلام وسيـول الكـلام؟؟؟؟
صاحت أبواب المشاريه كيـف نسدهـا

أمس مثل اليوم ..واليوم يلحقنـا مـلام
هاتها فوق أبيـض الحبـر ولا ودهـا

كل ما جيت أبذر النور في وجه الظلام
وأنتظر تسويفة العمر وأخطـب ودهـا

شفت كل وجيه الأقزام في زوم وهيـام
أمطرت كل المساحات وأخـذت حدهـا

ماشربنا بارد الغيث من صـدر العسـام
كل ما هبت بـه الريـح بـاح بسدهـا

والله أعلم وش ورا النار من برد وسلام
تشتعل لأغنى لظاها ولا أغنـى بردهـا

جيت من جفن السهر جيت بأعذار المنام
في يدي تاريخ الأحلام وأخشى صدهـا

ما خذتني رقصة الورق وغصون الغرام
لو تميل وتكسر الصـوت مانـي قدهـا

كم وكم هوجست وأوجست ياكثر الكلام
صاحت أبواب المشاريه كيـف نسدهـا

__________________
(الشعر) وحي النفس والشاعر لمادونه رسول
..........مداين أحلامه براد وغصن زيتون وهديل
أما (الحياه) اللي بها عمرك يطول ولا يطول
..........من حلوها في مرها وتمرها عابر سبيل

...اسيره خالد...

**محارب الخيّال** · #2 19-11-2003, 04:01

نقل رائع

صح الله لسان شاعرها

ولك كل تقديري

**العقيدي** · #3 20-11-2003, 19:04

أسيرة خالد
صح السانك
قصيدة رائعة
ووجودك معنا أروع
بس أذا ما كانت القصيدة حقش يرجى وضع قائلها تحت لحفظ حقه الأدبي