الذيب شامان

**صالح النفيعي** · #1 17-11-2003, 23:05

[poet font="Simplified Arabic,4,white,normal,normal" bkcolor="black" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
مرحبا
مساء الورد
استفسار كيبوردي سريع
وللجميع الحرية بالمشاركة بتكملة الابيات

يا من يخبرنا عن الذيب شامان=وين اختفى عنا عسى مابه خلاف

يالله عسى ماهو مريض ٍ وتعبان=ولا يشتكي ضيم الليالي والاجحاف

من حب شوفه قلت بكتب له اعلان=من قلب حبه حب صادق وميلاف

تحياتي
[/poet]

**العقيدي** · #2 18-11-2003, 15:54

يا رب يا منشيء من السحب الأمزان
.............***يا مروي البقعة بعد محــل وأجـفاف
يا منجي يوسف من الشر وأمحان
..............***يا معلمه فسر السمينات وأعجاف
قله تراه بخير يطرون شامان
............****وسط الرياض أنعـــم به العز رفاف

**ولد طويق** · #3 19-11-2003, 02:29

..

... اللـه يسعـد ايامك يخـوي صـالح .. وبو سعـد يستـاهل , لكـن ترى علومـه عنـدي والمفـروض ماتخفــاك.
الرجـال متفـرغ في الشهـر الفضيـل للعبــاده , وموره زيييييينـه مره . سـير علي قبل ايـام وعطـاني رده ورايه ( خــوش راي ) على قصيدتي الموجهه له الله يجزاه خير .

.... تصـدق ياصـالح اسلوب جـيد للسـؤال عن اخـو عزيز يشـد الجميـع للمشـاركه

...

يازينـهــا صفحـــه تسـمّــــت ( بشـمـــــــان )

.................................. ( صـــالـح ) فتحـــهــــا بحــرف راقــي وشـفـّـــاف

يســـأل عـــلام الشيـــخ غـــايـب ولابــــــــان

................................... ابشــــر !! تـــراه بخـــــيـر مبســـوط ( بالـزااااااف )

كـمّــل صيــامه ناوي ( ن ) خــتـم قـــــرآن

............................... خــابره قبـــل ايـــام يتــلوا ( بالأحقــــــاف )

.......

تقبل تحياتي ،،، حمـــد المنصـــــــور

**محارب الخيّال** · #4 19-11-2003, 03:58

هكذا يكون الحب

ويكون السؤال

وليتقبل الجميع تقديري

ودعائي لكم بكل خير

**الحلم البعيد** · #5 24-11-2003, 06:04

[][align=center][B
والنعم والله فيكم

اللي يبي يخاوي يختار مثلكم وشرواكم

ولكن امثال خوتكم هاليومين نادر جدا جدا

لكن يقولون00حلاة الشئ ندرة وجوده

وانا اقول 00

رافق اصيل في زمانك يخاويك

لاشاف رعشاتك من البرد غطاك

والله يكثر امثالكم انشاءالله00ودام انتم موجودين الدنيا بخير

تحيااااااااتي للجميع0[/][b][/align][/alig

**صالح النفيعي** · #6 26-11-2003, 03:24

[align=center]مرحبا
مساء الورد
كل عام وانتم بخير
ابو سعود
ابو محمد
ابو فيصل
الحلم البعيد
اشكركم على مشاركتكم وحضورك الاجمل
والله يرد الذيب شامان قريباً الى عرينه سالماً غانماً
لا عدمتك جميعاً
تحياتي [/align]

**محمد بن سعد الرويضان** · #7 30-11-2003, 01:45

[align=center]
ابوخالد
اسعد الله ايامك
والله لايحرمنا منك وتبقى انت
راعي الأوله وها نحن نعود لكم
والحمد لله

ابو سعود
ابو محمد
ابو فيصل
الحلم البعيد

مروركم حمل انبل مشاعر
واطيب رفقه دام تواصلكم
ومشكورين وكل عام وانتم بخير [/align]