((( لعيــــــــــــونها )))

**حمرعين** · #1 10-07-2004, 07:55

سلام وتحيه للجميع ..

لبيك ياصوت(ن) قريب(ن) وغايب

:::::::::::::::::::::::::::ياونة(ن) متمرّده فوق لوطان

ياونة(ن) ردت زمول الركايـب

:::::::::::::::::::::ياصيحة(ن) ردت من البعد فرسان

لعيونها فـّزت وقامت حرايب

:::::::::::::::::::::::ولعيونها صاحت صهايل كحيلان

ولعيونها بنت القروم النجـايب

::::::::::::::::::::::::::نقطع ولو تبعد مـداين وبـلدان

ونثبت كما يثبت قوي الطنـايب

::::::::::::::::::::::::::حتى ولو دارت مقادير وزمان

نصبر ولو حتى بقى الصبر شايب

:::::::::::::::::::::::لادام ينبض في المعاليق شريان

ليما يطيب الجرح ويلقى طبايب

::::::::::::::::::::::::ولا نسوم الروح في شف خلان

يابنت هذا الوقت كله غرايب

::::::::::::::::::::::وسبع العجايب زادت ثمان بثمـان

بين القلوب اليوم ماتت طلايب

::::::::::::::::::وضاعت مطاليب(ن) على فلان لفلان

حمرعين

**العقيدي** · #2 10-07-2004, 11:18

حمر عين
تسلم وصح الله لسانك شاعرنا الكبير
دومك في القمة
هكذا أنت دائما والله بدون مجاملة
تحياتي لك

**أم عقوص** · #3 16-07-2004, 02:32

شاعرنا الموقر......

صح لســـانك....كلماتك وقعها في القلب.....مباشرة...

تحياتي لك...

**ظامي الروح** · #4 16-07-2004, 11:07

حمر عين

لا يحضر الا و معه

عذوبة الشعر و روعته

صح الله لسانك يا شاعرنا

و دمت بود

تقبل تحياتي

ظامي الروح

**حمرعين** · #5 19-07-2004, 03:13

هلا والله وغلا .. بوسعود ..

ادري هذا ماهي مجامله .. ولاكن تواضع منك ..
لاكن القمه لوتدري اهي مكسب ومعرفة مثلك وشرواك

وغلاك فوق الراس يالغالي ..

لاهنت

**حمرعين** · #6 19-07-2004, 03:17

ام عقوص يـا

شرفتنا زيارتكم وياهلا والله بمشرفة الابداع ..

تسلمين ولاهنتي ..

تحياتي
حمرعين

**حمرعين** · #7 19-07-2004, 03:22

ظامي الروح ..

والله ومرحبا بمشرفنا..

تسلم لي على هالمرور العزيز على قلبي ..

لاهنت يالغالي ولا عدمناك .

حمرعين

**الأحلام الساكنة** · #8 22-07-2004, 07:07

صح لسانك شاعرنا المتميز

ولا عدمناك طبعاً لا يمكن المرور بقصيدة مثل قصيدة لعيونها

ولا نتوقف لنشكرك على حسك الراقي و ابياتك الجميلة

تحياتي / الأحـــ الساكنةـــلام