يا مبرد اللي لاهب الشوق ما جاه

**العقيدي** · #1 31-07-2004, 19:25

[poem=font="Simplified Arabic,5,black,normal,normal" bkcolor="transparent" bkimage="backgrounds/33.gif" border="ridge,3,gray" type=2 line=0 align=center use=ex num="0,black"]
يا مبرد اللي لاهب الشوق ما جاه =ويا حرها نار(ن) لهبها ظلوعي
ويا حر قلب(ن) قاطع الوصل شقاه = وأنا على فرقاه أغرف دموعي
حـــرام جفني لـــذة الــنوم تهــنـاه = أن جيت بغفي فز قلبي فزوعي
ذاب الفواد اللي على النار تقلاه = أسهر على طاريه وأحرق شموعي
وأن مرني طيفه تيممت ذكراه = زوله ملازم قبلتي في ركوعي
أهواه حيل يا عرب كيف ما اهواه= وحده سكن قلبي ومنه وجوعي
يا حسرةٍ ضالة باقصى حناياه = كف الندم عضيت وأقطم صبوعي
على وليف(ن) تيه الحسن بصباه = ريم ربى ما بين خضر الربوعي
له مبسم باليك والدر حلاه = و عطر النسم ورد بغصنه يفوعي
وعود له المياس يعجبك ممشاه = يبهرك بالرفين نازل طلوعي
أرتقب وصاله من سهيل للياه = ما هو من العادات عني قطوعي
ولا هو بقاسي طيبته في محياه = ولا هو جحود عن ودادي منوعي
لا غير شلوا له حتاحيت الوشاه= وأصبح لمغروض الوشايا سموعي
كلما بغيت أصد وأسلاه وأنساه = صوبه شعوري تلني بالرجوعي
عندي فلا مزيون بالأرض يسواه = وغير أبد والله ما يفك صوعي[/poem]

**حمرعين** · #2 01-08-2004, 13:48

ذاب الفواد اللي على النـار تقـلاه @@@ أسهر على طاريه وأحرق شموعي

أيها الرائع لي عوده لهذه الرئعه ..

**العقيدي** · #3 05-08-2004, 11:05

أخي وشاعرنا الكبير
حمر عين ما عليك زود يا صاحبي
تسلم لي على زيارتك اللطيفة
تقبل اجمل تحياتي وشكري

**صالح النفيعي** · #4 07-08-2004, 03:20

[align=center]مرحبا
صباح الورد
هلا وغلا بو سعود صح لسانك ولا هنت
دائما وافي وجزل فيما تكتب
سجل اعجابي المتزايد
تحياتي لك [/align]

**العقيدي** · #5 09-08-2004, 16:07

هلا وغلا بالنفيعي
أعجابك وسام على صدرها
وهي ما تحلى الآ بتواجدك
وأنته معي بين السطور
تزهى المجالس بالحضور
تحياتي لك من الأعماق يا أبو خالد

**محمد بن سعد الرويضان** · #6 10-08-2004, 00:39

[align=center]على وليف(ن) تيه الحسن بصبـاه
ريم ربى ما بين خضر الربوعـي
له مبسـم باليـك والـدر حـلاه
و عطر النسم ورد بغصنه يفوعي
وعود له المياس يعجبـك ممشـاه
يبهرك بالرفيـن نـازل طلوعـي
....
..
.

ابوسعود

الكوكب المشع

بأنعكاسات ضوئية

تنير لنا

ساحات الساهر

هنا
قصيده

كتبت

بأحرف مضيئه[/align]

**العقيدي** · #7 11-08-2004, 20:21

حبيبي قلبي ابو سعد
تسلم لي
وما عليك زود
تحياتي لك