اسمع حكاية قصتي

**صالح النفيعي** · #1 15-09-2004, 22:31

[align=center]مرحبا
مساء الورد
اضع بين اياديكم هذه القصيدة اتمنى ان تنال رضاكم
والعذر والسموحه ع التقصير[/align]
[align=center]اضغط هنا بقوة[/align]

**محمد بن سعد الرويضان** · #2 17-09-2004, 01:21

وان كان اخذت ايام ساهي وحنيـت

....................... بعطي جهازي مـن طلبنـي هديـه

تعطي اكثـــر يالغالي

ابوخالد

يامساء الشـــــــــعر

يامساء الحرف

وافية ....... كافية ......... وشافية

واقولك .......... قامت بالاجهزة

عندي واحد دابل كبدي

ساعة عشان يفتح الصفحة

ابوخالد
سلمـــــــــــــــــــــــت

**افـــ القمر ـــاق** · #3 24-09-2004, 21:58

يا لايمي وقفّ قبـل تكمـل البيـت
وفر عتابـك مـا بقـى بـي بقيـه
ان كان بالحكمـة قريـت وترويـت
تعرف وش اللي لك واللـي عليـه
اسمع حكاية قصتي كيـف سويـت
كيـف الليالـي ضيعتنـي كـذيـه
من قبل خمس سنين بالنـت طبيـت
طبيـت كلـه مـن عمايـل يـديـه
ماهو جهل لا والذي يحيـي الميـت
ولا هو جنـون ولكـن انـه سميـه
قلت اتسلـى واثرنـي مـا تسليـت
قلت استفيد مـن التجـارب شويـه
مدري ولكن فـي هواهـا تماديـت
والنفس صارت مـن سببهـا شقيـه
اصبحت انا رومي وذا النت جوليت
الله بلانـي فــي هـواهـا بلـيـه
كم ليلـةٍ معهـا سهـرت وتعنيـت
غير العنـا ندفـع فواتيـر شهريـه
ان جيت بتركها تخاذلـت وازريـت
ازريت كيـف ازريـت والله قويـه
عن واجباتـي لجلهـا كـم تخليـت
راحـت حياتـي كلبوهـا ضحيـه
حتى عن الربع الاقـارب تواريـت
اتلا العهـد بالربـع عيـد الضحيـه
عشت اغلب ايامـي ويامـا تمنيـت
ما اشوف من وقتـي علـوم ٍرديـه
لكن تعبت ومن عنا الوقـت مليـت
مليـت بتـرك عالـم النـت ذيــه
معاد لي نفس بهـا اليـوم صديـت
صديت لو قلبـي جروحـه طريـه
مير العوض منهـا وفيهـا تكفيـت
يكفي كسبت اهـل العقـول الذكيـه
حتى ولو اني عـن النـت شديـت
يبقـى الغـلا والحـب والمقدريـه
واللي يبيني كان ما يعـرف البيـت
ينشـد ويلقانـي بنـجـد العـذيـه
في دار ابن زايد ترى مـا تعديـت
والهاتـف الجـوال يرسـل مديـه
من زارني غالـي نطحتـه وهليـت
بالطيـب والفنـجـال والشاذلـيـه
على علوم الطيب عشـت وتربيـت
افرح بشوف الضيف صبح وعشيـه
وان جاد وقتي للمواصـل تحديـت
بعـد المسافـة والـدروب الخليـه
دار الاحبـة لـو بعيـدة تناسـيـت
دايـم كريـم النفـس لـه جاذبيـه
والعذر كان اني مع الوقـت زليـت
من غير قصد ولا نويـت الخطيـه
انا بشر واخطي ولو صار واخطيت
طبع الخـوي دايـم يسامـح خويـه
يعلم آله الكون ما ابديـت واخفيـت
اني نظيف القلب مـا ابغـى الاذيـه
لكنّ من حرصي كتبـت وترجيـت
ابغى النفوس تكـون دايـم رضيـه
والجادل اللي عن بني جنسه اغليـت
الله يبيحـه كـان طــول مجـيـه
انا اشهد انـي مـن غيابـه تأذيـت
مـا هـوب حقـي منـك يـال...
وياللي قريت الحرف واعجابك ابديت
ارفـع يدينـك وادع رب البـريـه
انـه يثبتنـا علـى الحـق تثبـيـت
وانــه يجنبـنـا دروب الخطـيـه
وان كان اخذت ايام ساهي وحنيـت
بعطي جهازي مـن طلبنـي هديـه
هـاذي نهايتهـا ولا عنـك خفيـت
تبقـى الحقيقـة للمشـاهـد جلـيـه

يا عاذلي في الحب يا ليتك ترويت
في خاطري من الحكاية بقيه

اسمع حديثي وقلي ان أخطيت
قلبي عشق والعشق سر البليه

اهديته اخلاصي والشوق و تمنيت
يرفق بقلبي من صده عليه

أخلف وعوده وما تعديت
و طبع الخوى دايم يسامح خويه

سامحته بقلبي و الروح وله رديت
اطلب هواه و هذي كل القضيه