العيد (بدون زايد الخير)

**فهد الغبين** · #1 13-11-2004, 00:43

كل عام بهالمكان يصير شي غير عادي
................. تزهر الدنيا ويضحك طفل وتحـل السعاده

لكن الله يعلم ان العيد هذا به سوادي
................ راح به زايد وضني ناقصه سكــــر زياده

قالو ساده قلت ساده يعني ساده يابلادي
................ وش بقى غير الجروح المنهكه تصير ساده

يا حروف الشعر ويني وين انا ياود غادي
............... من هناااا والا هناا والا هنا يعني زهاده

من عرفت الشعر همي مرتكي داخل فوادي
............... اااه يامصبر فوادي مالقى بالعــــــيد فاده

مستبده مستبده شاعرك شاعــــر يهادي
............... كل مارص البيوت بطوبته يفقــــــــد وداده

لا متطيت من الغلا ياغاليه صهوه جوادي
............... جبت لك من در بحر فكر ما جابه عناده

شاعر ما حس عيد ولاهتنااا في عيد عادي
.............. يعني عادي يعني عادي عيدنا يصير عاده

من ورا ذيك الزجاجه سافر الشاعـر لوادي
........... هو صحيح انه يهيم اليا نضر عينك بــــــواده

العيون تقول (لله) (يعني لله) يا مـــرادي
............ يعني لا صارت كذاا وش حكمه الله في مراده

**الحالمة** · #2 13-11-2004, 11:53

:rose فهد الغبين :rose
أبوي زايد حي قي قلوبنا مامات ولو نعته الملايين
بس الله جعل العيد لينسوا الناس همومهم شوية..أنا ما أقول
لكم انسوا وافرحوا .. بس لا توقفوا عند هذا الطريج ..بل لازم
إنكمل طريجنا ونكون إيد وحده مثل ما بغانا أبوي _الله يرحمه_ إنا نكون.
وصحيح إن القلب منفطر على المصاب الجلل بس الواجب واجب
فكل عام وأنت بألف خير وصحة وسعادة
وعساك اتكون من عواده السالمين يا رب
مع أرق تحيات ..بنت زايد ..

الحالمة

**فهد الغبين** · #3 28-11-2004, 01:54

سيدتي

هناااااااااااا ركود ممل يقتلني

ووجودك يكفي هناااااااااااااا فلا حرمنا الله من تواجدك