كيف تقهرين اخوج ... للبنات فقط

**احلى بنوته** · #1 14-07-2005, 19:49

مرحب عندي دروس خطيره يا بنات .. شوفو اللي مقهوره و تبي تنتقم تتبع هالخطوات

* عند التلفزيون*

لا صارت فيه مباراه , والاخ متحمس اقطعي هالحماس لكن كيف .

شوفي اذا كان مبقق عيونه ومحد حذاله يعني لو تييبين صاروخ تفجرينه قدامه مالتفت لج اعرفي انه منسجم

هنا بس تقومين بشغلج وتسوين نفسج بنت سنعه

وروحي ييبي قطعة قماش وبخاخ للتنظيف واوقفي عند التلفزيون وامسحي الشاشه ولا تعطينه فرصه يشوف زين

لا قال: قومي من جدامي . قولي مانيب فاضيتلك ، وبعدين روحي ييبي المكنسه واكنسي المكان اللي هو فيه وحاولي من كل لحظه تكنسين قدام التلفزيون وغطي عليه.. ولا يهمج حد..

واذا قال: قومي لا أعطيج على ويهج بالكاس قولي وانتي معصبه اونج بيون ضيوف .استهبلي عليه حتى لو محد بيي لكم , والاسوي نفسج يالسه وتذكرتي ان الكيك بالفرن احترق ناقزي لين توصلين للفيش وامصعيه بريلج ولا تلتفتين وراج

* عند النوم*

لا صار التمساح يشخر.. نكدي عليه نومه بي كيف؟

دخلي عليه فروخ جيرانكم وبيتكم وصكي الباب عليهم وخليهم يلعبون بغرفته ويناقزون على راسه .. تخبرين اطفالنا احباب الله
والا تعالي وهو في سابع نومه ورجيه ذيج الرجه اللي يفز مايدري عن نفسه الا وهو يالس وبكل برود قوليله نبي نطلع.

* اذا المزاج صفر*

اذا شفتيه ماله خلق ومب رايق ومقفله وياه لا تخافين بالعكس هذي فرصتج تنتقمين منه يعني تحرشي فيه خلي دمج ثقييل بالمزح

بس انتبهي في هاللحظه راقبي حركات يده لان ممكن يصك أي شيء جدامه بوجهج ولازم تكونين مجهزه مفتاح الغرفه. ماتدرين السالفه يا غالب يا مغلوب

المهم.. اضحكي على شكله والا على جلسته والا على لبسه .. هو بيقول ترى مانيب رايق اذلفي عني , انتي لاتسكتين قوليله واذا ماذلفت شو بيصير؟

عاد هو بيقوم ويوريج وش بيصير علىسنع انتي في هالوقت اقضبي اول درجتين توصلج لغرفتج وطلي عليه من فوق وقوليله ههه اهم شيء رفعت ضغطك وقومتك من جلستك

* وقت الضرب والتصفيع*

لا جاء يوم وبراسج دوده ههههه وتبين تتضاربين انتي والتمساح لازم تجهزين نفسج من كل ناحيه

1اللبس: لازم تلبسين ترنك خخخ علشان يسهل الركض
ولو عندج دروع حديديه واقيه للبوكس وايد زين ترى تعرفين بوكس واحد منه يرقدج يومين بالمستشفى

2وشعرج ه لازم تلمينه وتسوين حفله براسج ذاك اليوم تحطين انواع الشباصات وانتبهي ولا خصله تنزل منج

وياليتيكون ذاك اليوم حاطه براسك حناء علشان مايتجرأ ويلمس شعرج <= ابن أمه تييله مثل هالأفكار

3مفتاح الغرفه وجهزيه والاحتياط واجب

اذا بدت المعركه حطي راسج براسه ولا تبينين له انج خايفه وبققي عيونج فيه وقوليله شو مشكلتك بو الشباب؟؟ شو براسك عاد هوهنا بيقولك هذا اللي براسي طراااخ طييخ الا ومخمس فيج وماسح فيج الارض ومخلي خشمج مكان عيونج ( ماشي تفاهم)

انتي لا تسويله ون تو ولاتستسلمين عطيه بوكس على عيونه الثنتين علشان مايشوف الدرب وحطي ريلج خليه يتعثر

وعلى طول لغرفتج اللي مجهزة مفتاحها من قبل واقفلي عليج الباب .. ويادارمادخلك شر (هذا طبعا اذا ما كسر الباب) بس نصيحه اقعدي يومين لايشوفج ولا تشوفينه لانه يبي ينتقم لكرامته وبيوريج نجوم القايله

على فكرة انا مالي خص اذاصار لكم شي

سلملم

**زهرة** · #2 17-07-2005, 14:21

السلام عليم ورحمة الله وبركاته
اهلا وسهلا.

**أمان 36** · #3 21-07-2005, 15:07

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههه
يا احلى بنوتة والله غصيت بالضحك بل ولا زلت اضحك يا بنت الحلال
تقبلي سلامي مملوء بالضحك.الله ينعل شياطينك
ابن بغداد الجريحة: أمان 36

**روح البدو** · #4 22-07-2005, 01:53

[align=center]

هههههههههههههههههههه

احلى بنوته ... كل هاي الأساليب أستخدمتها ... بس في النهايه ..اروح ادور

على آيدين ... واتصل بالنجار على شان يصلح الباب ... ويومين اشوف اللي فوق

تحت واللي تحت فوق

... ويسويلي في ويهي أحلا صيحات الموضه

صدقيني مب لازم مكياج وخاصه للعيون ....

اما شعري اروح اغير طريقة القصه لأن في الواقع نص شعري يكون بأيده ...

ههههههههههه

اتغشمر معاكم ...

اصلا انا مسالمه ...

ولي هيبه في البيت ....

مع خالص حبي ...

روح البدو [/align]