كلمـات بدوـيه عجيبـه فـي معانيهـــا!!

طر وميغا ورقيص نفس المعنى = فناان ..
يعزول = بعر البوش (عزكم الله ) .
يعلك النفااد = يعلك الموت ..
يعلك العوق = يعلك المرض ..
اشكر فنك = انته اووكيه ..
اسمييك خوشما = انته ريال ..
نسيم السيح = ريال
عليه الشرط = حلفان طلاق (الي مايبا حرمته يحلف )..
تيامن =خذ ع يدك اليمين ..
تياسر = خذ ع يد اليسار
لمعونه والرد عليها كفيت لمهونه ( تقال عند السلام ويوم واحد ماشاف حد من زمان ))

فيذمتي (( هاي تنقال يوم الواحد يبغي يثبت انه صادق ويقرنها بذمته ))

أقرب (( يعني تفضل والرد عليها جرب منك الخير او جريب ))

الناموس (( تنقال لواحد حصل على جائزه او حصد مركز متقدم والرد عليها الله يسهلك نصيب ))

ماحد لفانا (( تقال يوم حد يسال حد اذا جاءهم ضيوف فيقوله ماحد لفانا اي ماحد يا ))

عيني عليك بارده (( يوم انسان يسوي شي زين تنقاله هل الكلمه لكي لا يخاف من النظل ))

تيمل (( معناها لو سمحت او ارجوك ))

سنقباسي (( اي الفتاه الجميله )) ويقول بروغه سنقباسي ناشل اراسي والهوى يلوي على ازلوفه خوروله ثوب مدراسي واستحى الخوار من يوفه يوم يشرب ماء من الكاسي من ترافه ينبه اتشوفه...

منقول
_______________
مع تحياتي
أطيب قلب

__________________

شكرا أطيب قلب على الموضوع الجميل

في كلمات أول مره اسمع بها

طر وميغا ورقيص نفس المعنى = فناان ..
يعزول = بعر البوش (عزكم الله ) .
اسمييك خوشما = انته ريال ..
نسيم السيح = ريال
سنقباسي (( اي الفتاه الجميله ))

هذه الكلمات

تحياتي لك

__________________

وعليكم السلام ورحمة الله وبركاته

أطيب قلب جزاك الله خيراً .. موضوع شيق و رائع ..
شكراً لكِ.

أخي الفاضل شعلة .. بعض هالكلمات متداولة بيننا كثيراً
بس بعضها جديد ..

طر وميغا / أول مرة أسمعها ..

رقيص / لا عادي نسمعها دوم ..

يعزول = بعر البوش (عزكم الله ) . الله يعزج بعد هذي أول مرة أسمعها ..

اسمييك خوشما = انته ريال ..
أعتقد تنكتب جذه : خو شمّا صح يا ختيه ؟ وهي للمدح أو عندما يعتزي أحد بنفسه يقول : و أنا خو شمّا ..

نسيم السيح = ريال ...... حلوة نسيم السيح .. يعني هاب ريح ..

سنقباسي (( اي الفتاه الجميله )) / هذي كلمة معروفة جداً و متداولة عند مدح الفتاة الجميلة ..

ومضة : المطرب السابق علي بن روغة حفظه الله و ثبته على الدين ..
ترى هذا الرجل قد أعلن توبته من الغناء و لله الحمد
و ذمم كل من يسمع له .. و برأ ساحته من هذا الإثم ..
نسأل الله له الثبات و الصحة و الطاعة ..


أطيب قلب جزاك الله خيراً ..

__________________

شهادة حق و شعلة جزاكم الله خير على الرد

هلا وغلا أطيب قلب
والله موضوع طر
الله يعطيج العافية
/
؛
وأنا ألاحظ هالأيام أن الشباب
رجعوا لمثل هذي الكلمات
في رمستهم
/
؛
دمت بخير
لك التحية

__________________

الحين عرفت ..

كلمة طر بروحها و كلمة ميغا بروحها ...
طيب كلمة طر عادي متداولة وايد ..
بس ميغا .. غريبة !

تسلمين يا نسمة على التوضيح ..

هلا شهادة حق
/
؛
أنا معاج ان كلمة طر متداوله
أما ميغا ما أعرفها صراحة
والكلمة الثالثة رقيص
بعد متداولة
/
؛
الله يحييج اختي

شهادة حق

هذي الكلامات أكثر شئ متداولة عند العوامر....أكثر شئ

نسمة العين مشكوره على الرد

السلام عليكم

شكرا اطيب قلب على هالكلمات العجيبة : )

بس هذي :

لمعونه والرد عليها كفيت لمهونه ( تقال عند السلام ويوم واحد ماشاف حد من زمان ))

متأكدين من مناسبة قولها؟؟

توقعت ان الشخص لما يطلب مساعدة احد يقولها

__________________
لا تسألن بني آدم حـاجـة --- وسل الذي أبوابُه لا تُحجبُ
اللهُ يغضب أن تركتَ سؤاله --- وبنيَّ آدم حين يُسألُ يغضب

مشكورين على المشاركة ...
مريم هيه متأكدين ... يوم حد أي من مكان بعيد... يقولوله المعونه.... بعد السلام