ليلي ضوى بوشوق المحبين

**العقيدي** · #1 19-10-2006, 21:42

لليلي ضوى بوشوق المحبين
*** وأهات صب ما يباتي
وزفرات بين الحين والحين
***من حرها لاهب لهاتي
يا مبعد الخلان يا عين
***من حسرتي هل اعبراتي
لوأدري أن فراقهم شين
***والله ما فارق غناتي
بفراقهم شجاني البين
***والصبر مر في شفاتي
عشقه الغلا بين الوريدين
***ينبض ومن نبضه حياتي
وفارق بسمات الرقيقين
***وأنفاس عطر كالنباتي
وصدرك رحيب به تحنين
***وأن ضمني أحيا رفاتي
العقيدي
19\10\2006
المانيا

**الساهر** · #2 20-10-2006, 09:37

السلام عليكم
هلا بو سعود والحمد لله على السلامه

طمني عليك شو الاخبار عندكم

صح لسانك على هالابيات الطيبه وفي انتظار الجديد دائمامنك

**العقيدي** · #3 20-10-2006, 11:48

هلا وغلا
حبيب قلبي أبو خالد
تسلم لي يا رب
والله كل شيء تمام لغير البرد ذبحنا موت
كل الأمور طيبة
وحنا في بون
تحياتي

**أم عقوص** · #4 20-10-2006, 15:55

.. هلا و غلا والله بشاعرنا ..

--(( الــعــقيــدي ))--

.. وانا أقوووووول وين هالغيبة ..

.. ثرك في ألمانيا .. كان الله في عونكم ..

.. قضيتوا رمضان هناك .. و بتقضون العيد هناك ..

.. اسمحلي على هالبــــــيت ..

لوأدري أن فراقهم شين
***والله ما فارق غناتي

.. طيح من العين دمـــ

ـــعــه ..ولو صدق ندري عقب فراقهم بيصير جذي حالنا .. ما فارقناهم ..

.. تسلم وتدوم شاعرنا الكريم ..

.. و خلنا دوووووووم في بالك بالجديد ..

**العقيدي** · #5 21-10-2006, 00:39

أختي العزيزة
أم عقوص
والله كلامك كله صدق
الله يعين الجميع
تسلمين الغالية على تواجدك وجيل ردك
تحياتي لك وكل عام وأنتم بخير

**الساهر** · #6 22-10-2006, 01:16

هلا الغالي بو سعود

مادام في بون روح باد جود سبيرق ويوم توصل ماكدونلدز دخل في السكه وامشي شوي بتشوف على يسارك محل يبيع جرايد ومجلات وحذاله سكه ادخل في السكه وامشي بتحصلي ايراني يسوي بيتزا عشان خاطري سلم عليه وخذ لي من عنده بيتزا وكلها عني :)

تحياتيلك والله يرجعكم بالسلامه