للدمع في عين البشر ؟؟؟؟

**صالح النفيعي** · #1 08-10-2001, 11:49

<DIV>
 
مرحبا 
البيت الأول من هذه الابيات كتبه الاخ ابو تركي البديري وطلب اكماله
وقد اكملته بعدة ابيات اتمنى ان تعجبكم
 
للدمع في عين البشرالف معنى ***** وأ قسى معاني الدمع دمعة يتيمه 
دمعة وفا والقلب ناره تضوى ***** يصبر على ما جاه ويدعي كريمه 
عز الله ان القلب ما عاد يهوى ***** ولا عاد له بالبيض شفٍ وريمه 
وغيره من الخفرات ماظن يسوى ***** لو حسنها فاق الوصوف العظيمه 
من قرقته حالي لها الهم حلوى ***** ونفسي عقب فرقاه والله سقيمه 
والحب ياهل الحب مافيه سلوى ***** كله هموم وحزن وفرحه عقيمه 
حسبي على هالوقت مافيه رجوى ***** وقتٍ حداني عنه مافيه شيمه 
بصبر على مر الليالي وبلوى ***** بلوى الزمان اللي بلاني بضيمه 
والمعذرة ياخوي ياطير شلوى ***** ان كان شعري ما توفق نديمه 
قلته وانا عجل ٍ وفكرى تعنى ***** بجزل المعاني والحروف الوسيمه 
 
وسلامتك </DIV>

**افـــ القمر ـــاق** · #2 09-10-2001, 00:17

<center><div style=" width:100%;filter:shadow(color=silver,strength=20) ; 
 
color:yellow">

تسلم حروف صادقة من قلب يهوى
. . . . . . . . . . ويسلم كلام معطر بشوق و نسيمه

بالعون حرفك صاب نفسي بمعنى
. . . . . . .. . . . وعز الله انك جبت كلمة حكيمه

**اخت المها** · #3 09-10-2001, 15:33

:سلام

صــــح الله لســانك يا شاعرنا ..

وإن كانت كلماتك كتبت على عجل، فأنك تخطها كما اعتدنا عليها، بأسلوبك العذب و كلماتك الجميله ..

لا هنت يا فتى نجــد ..

تحياتي ..
اختك ... اخت المها

**الفيصل** · #4 10-10-2001, 03:40

اروع من الروعه و اكثر

صح لسانك و أنا اخوك

تحياتي

**صالح النفيعي** · #5 10-10-2001, 19:17

مساء الورد عليكم
افــــــــ القمر ـــــــاق اشكرك على المتابعة المستمرة
اخت المهااا يا هلابك وصح لسانك
الفيصل وجودك الروعة واشكرك
ولكم مني جميعا اجمل تحية
والى اللقاء