اسماء الزوجات في جوالات ازواجهن

**ظبيانية** · #1 27-04-2007, 00:13

هذه أسماء الزوجات في جوالات ازواجهم:

واحد مسميها " يالله عسى خير "

واحد مسميها محقق كونان"

واحد مسميها " النشبة"

و الآخر مسميها " العلوة "

وواحد مسميها " صاحبة السمو"

وواحد مسميها " هات"

وواحد مسميها " الشرطة " و حاط نغمة دوريات

وواحد مسميها " حسب الله " بتاع ريا و سكينة

وواحد حاله أيام الخطوبة مسميها " my love "

و أول أيام الزواج " الغالية " لما جاء اول "فل " ام فلان" الحين مسميها " الورطة "

وواحد مسميها " المقاضي"

وواحد مسميها " ودني لبيت أهلي"

وواحد مسميها " هيش" ما دري ويش يعني هيش؟؟؟

واحد مسميها " البلية "

واحد مسميها " الغلطة "

واحد مسمي زوجته " أم السعف و الليف"

واحد مسميها " دلوعتي"

واحد مسميها " قمر 14"

واحد مسميها " أم المعارك " و نغمتها ... نغمة قناة الجزيرة حقت خبر عاجل !!!

واحد مسميها " راعي البقالة " علشان محد يجيب خبرها لو انسرق أو تلقف واحد يفتش في الجوال

واحد مسميها " قم صل "

وواحد مسميها " أم 44"

واحد مسميها " تعال للبيت"

أعرف واحد عنده ست خوات مسمهم كذا أختي S - أختي M- اختي g و هكذا
وواحد عنده ثلاث عيال متقاطين على جوال و مسميهم " المهابيل الثلاثة "

أسماء الازواج في جوالات حريمهم

العلة - النشبة - النكدي- عديم المسؤولية-
الطوارئ- المتسلط- العنيد-

واحد مسمي أمه " ان ما علمت ابوك"

بقلم رقشان منقول من مجلة الخليجية العدد 30 و بتصرف مني

ها خبروني و انتو شو مسمين زوجاتكن في موبايلاتكم؟؟

**الساهر** · #2 27-04-2007, 01:57

السلام عليكم

موضوع حلو

خاصه ام السعف والليف

**الجاسم** · #3 27-04-2007, 02:13

موضوع طريف اختي ظبيانية

اشوف اخوي الساهر ما جاوب على سؤالك يمكن ما انتبه

**ظبيانية** · #4 27-04-2007, 10:02

هلا فيكم الساهر و الجاسم :)

اممممم

يمكن صعب على الساهر يختار اسم كلهن أسامي رنانة

**عجايب** · #5 27-04-2007, 14:50

بسم الله الرحمن الرحيم
تسلمين أختي ظبيانية على هالمشاركة وكل واحد مسمي زوجته حسب حالته النفسية

وشوفي تسلسل التسمية

أيام الخطوبه : اغلى حبيبه

.-''''-.,.-''''-.
! I Love !
". You ."
'''-.,.-

أول ايام الزواج :- العزيزه
بعد أول طفل :- أم فلان
بعد كل سنه كالتالي :
1- العله.
2-الورطه .
3- وجع قلب .
4- أم الضغط و السكري .
5- غلطه عمر .
6- المحقق كونان .
7- قرادة حظي .
8- عاصفة الصحراء .
عجايب

**الوحيــــــد** · #6 14-05-2007, 15:08

مشكـــــــــوره ومـــاقصرتي

**فوفو الحبوبه** · #7 20-05-2007, 08:27

ظبيانية

يالله في اسماء ترفع الضغط

اجل الوحده لازم تسال ايام الخطوبه وش ناوي تخلي اسمي بالجوال ايام الخطبه وبعد الزواج وبعد كم سنه عشان تفكر توافق عليه والا لا ........

يسلموووووو على هيك موضوع

**زعـفـرانـه بـوظـبـي** · #8 20-05-2007, 09:48

تسلمين على هالموضوع الحلو وايد

انا لو اني ما بديت في حياه الاستقرار بس ان شاء الله بسميه اسم وايد بيحبه

( اقلب ويهك زين .. ما عندك سالفه .. معقد واحد )

اتصور هالاسم مناسب وكل هذا من كثر ما هم معقدين ويطولون السالفه وهي قصيرة ..

والسموحه من كل الرياييل .

**ظبيانية** · #9 20-05-2007, 14:12

عجايب

فوفو الحبوبة

الوحيد

شكرا على تواجدكم و مشاركتكم

فرح انتي بعدك ما تزوجت و مجهزة اسماء قوية لزوج المستقبل

عيل لما تتزوجين و تمر السنين شو بتسمينه ؟؟ :)

عموما انا بعد عندي كم اسم في بالي

بس اخاف الشباب يطقوني

ولذلك ما راح احطهم في الموضوع :)

**زعـفـرانـه بـوظـبـي** · #10 21-05-2007, 10:46

هلا اختي العجيبه

لا فديت روحج قولي الاسماء عادي اصلن الشباب متفهمين وايد وخصوصا في موقع او منتدى راقي مثل الساهر وانا اضمن لج ياهم بيقروون الاسماء وهم مبتسمين بعد ليش انهم يدرون انه ما لهم غنا عنا
وفوق هذا محد متحمل البنات كثرهم .. الله يعينهم بس والله ما يقصرون