صدمة قاسية من معرض الام و الطفل في أبوظبي

**ظبيانية** · #1 24-05-2007, 20:10

السلام عليكم

و مساء النور

تعودنا على معارض ناجحة و عالية المستوى في أرض المعارض بأبوظبي

و لكن اليوم للأسف أصبت بخيبة أمل شديدة من معرض الام و الطفل الاول

المقام لمدة 3 ايام من تاريخ 24 خمسة الى 26 من الشهر نفسه.

اول صدمة انه اسعار دخول المعرض للشخص الواحد الكبير 25 درهم

و للأطفال 15 درهم !!!!

و هو سعر مرتفع جدا للمعرض

و مع ذلك دفعنا و قلنا خلينا نشوف شو السالفة

الصدمة الثانية كانت لما شفنا حجم المعرض فهو صغير جدا جدا يعني يمكن

حجمه خمس المعارض اللي العادة تقام هناك

و الصدمة الأكبر انه ما في المنتجات اللي متوقعين نشوفها

يعني انا في بالي ثياب اطفال و ثياب للوالد حديثا و مثلا محلات شكولاته او تزين مفارش للطفل الجديد

و لكن

تفاجأت انه اللي موجود هو شركات اجنبية معروفة مثل بابي جونسون و سيباميد و غيرها تعرض منتوجاتها اللي احنا عارفينها و تارسة الجمعيات

و محل واحد يتيم بروحه للعطور

و بعض الفعليات البسيطة جدا للاطفال

مثل بارني و واحد لابس اسد و مسرح صغير

يعني لا يرقى ابدا بمستوى المعارض اللي قبل

للأسف لا أعرف من الجهة المسؤولة مباشرة عن تنظيم هذا المعرض

لكن اعرف انها شركة خاصة .

و شلون ناس وايد راح تدفع سعر تذكرة لتتفاجأ انه لا يوجد شي تشتريه !!

لا حول و لا قوة الا بالله

و السموحة على الاطالة

**أم عقوص** · #2 25-05-2007, 01:09

.. معقولة .. زين ما رحت .. كنت مخططة أروح اليوم .. بس لظروف ما طلعت ..

.. بصراحة أسعار تذاكر الدخول مرتفعــة بالنسبة لمعرض مدته 3 أيام ..

.. هذا سوء التنظيم دايم يحصل .. يفتح المعرض و معظم المحلات غير جاهزة ..

.. زين خبرتينا عشان أخبر الأهل و الصديقات .. بدل ما يروحون على الفاضي ..

.. مشكورة عزيزتي ظبيانية ..

**ظبيانية** · #3 25-05-2007, 09:00

هلا أم عقوص

لا شكر على واجب

بس كان لازم انبه لانه حرام ناس وايد سايرة على اساس انه شي كبير لا صار و لا استوى من قبل

لكن انا شفت مستواه أقل من العادي