موقف محرج . . بس من هو الغلطان!!

**نجـ سهيل ـم** · #1 13-10-2001, 14:34

:سلام

يوم من ايام وأنا كنت مع أحد الشباب . . كنا قاعدين في القهوة، وكنا نسولف ونضحك مع بعض.
رن تلفون صديقي اللي معاي (اسامة) . . . وجاوب!

سمعته يقول: الو . . . أهلين . . . أنا؟ . . . . مع صديقي ما تعرفة! . . . . تعال تعال باعرفك عليه . . . إحنا الحين في قهوة البرندا . . . تعال تعال . . . في أمان الله.

قلت لأسامة: من اللي معاك . . ومن اللي بيجينا هنا؟؟
قال: هذي صديقي أحمد، واحد حبووووب . . وظريف . . وإجماعي لآخر درجة . . . تحبه أول ما تشوفه!
قلت له: حياه الله . . مدام رفيجك . . معناته رفيجي!
المهم بعد 15 دقيقة وصل الأخ أحمد القهوة. . .ورحب فيه أسامه وعرفني عليه وقال لي هذي هو أحمد اللي كنت أقل لك عنه... قلت له: فرصة سعيدة يا أحمد. . . رد علي:شكرا؟؟!؟؟
وقعدنا نسولف مع بعض. . بس السوالف كان بطلها أسامة بحكم أنه يعرفني ويعرف أحمد . . ولأن علاقتي بأحمد كانت جديدة لم يوجه لي أحمد أي سؤال أو طرف موضوع؟؟

فجأة صاح تلفون أسامة مرة ثانية . . . وسمعناه يقول:
ألو . . نعم . . . خير . . . عطوني 5 دقائق وأكون عندكم . . . باي! . . . . . بعدها أعتذر لي وحق أحمد وقال أترخص منكم ياجماعة لمدة 20 دقيقة وبارجع مرة ثانية . . سيارة أخوي متعطلة هو مع عائلته.
قال أحمد: لا تتأخر
قلت: أوكي أسامة . . مرخوص . . تحمل بروحك بس . . وإذا أحتجت سيارتي قول لي
قال أسامة: لا مشكور . . . .وراح!
وضليت أنا وأحمد . . . كانت معرفتنا ببعض جديدة . . . وبحكم كوني إجتماعي . . واللي في قلبي على اللساني . . أكنت أبدء معاه المواضيع . . وهو يرد علي بإجابات مقفلة (يعني كان يقول ... نعم . . لا)؟؟!!
ضليت أتكم معاه وأعطيه أسألة مفتوحة . . كنت أقول له مثلا مثلا: أنا أشتغل في الشركة الفلانية أشتغل بصفة م.علاقات عامة وساكن في الفريج الفلاني. . .وشلون عنك؟ . . يدر علي ويقول: في الشركة بي بي آر . .؟!؟!؟!

يعني الصراحة كان جاف معاي . . . مستحقر مواضيعي . . كأنه مو مشتهي الجلسة معاي؟؟!! . . . وين اللي يقول عنه أسامة أنه إجتماعي وحبوووب ومرح وخفيف طينة؟؟

وبعد 20 دقيقة مرت علي كأنهم 20 سنة . . . وصل إسامة وقال لنا: أسف يا جماعة أني تأخرت عليكم خلونا نروح نتعشى . . قلنا أوكي يله . . . قال أحمد أنتو روحو وأنا باجيكم في سيارتي . . لأني باطلع من المطعم وباروح البيت على طول! . . قلنا أوكي براحتك!؟
وفي السيارة مع أسامة قلت له: صديقك أحمد فيه شي؟ . . أقصد يعني مهموم؟ أو طبيعة جافة، ولا أهو أصله مو عشري؟
قام يضحك أسامة وقال لي: هذي أحسن واحد في السوالف . . يعجبك . . إجتماعي . . فقمت أنا وقلت له ليش عيل كان جاف معي . . وقلت لأسامة السالفة كلها . . قام يضحك وإمتنع عن الإجابة؟؟!!

وفي المطعم لقينا أحمد قبلنا ينتظرنا هناك: وأول ما دخلنا صرخ أسامة على أحمد وهو يضحك . . ليش تحقر صديقي؟ . . أنا على طول تغيرت ألواني . . قلت له . . بالعكس كان وايد طيب معاي . . وليش هالكلام يا أسامة
تعرفون شنو رد علي أسامة؟؟؟؟؟؟

قال لي: أنت الصراحة ما ينعرف لك. . من شوي في السيارة كنت تقول عن أحمد أنه ما يعطيك وجه ولا يرد على أسألتك حتى يوم أنت سألته عن كذا جوبك كذا وكذا وكذا . . . :eek:
أنا على طول جلست وقلت شكراً يا أسامة . . وأحمد قال . . شكراً يا أسامة أنك قلت لي . . وخلاص . . أنهي الموضوع.

ويا جماعة الخير . . أنا من ذاك اليوم وأنا ما أقدر أحط عيني في عين أحمد

من هو الغلطان في نظركم . . أنا ولا أسامة . . ولا أحمد؟؟؟؟؟؟

**مريم** · #2 15-10-2001, 13:55

وعليكم السلام والرحمة..
الحقيقة موقف محرج حقا :eek:
اخي نجم سهيل..كل شخص ممكن أن يرى الموضوع من جهة.. وكل واحد ممكن يفسره حسب طبيعته ..
ليس هذا هو المهم..لكن المهم من وجهة نظري أن لا نهتم بصغائر الامور...فكثيرا ما تحدث هذه المواقف المحرجة... وليس من صالح اي فرد أن يتذكر هذا الموقف كل ما شاهد صاحب الموقف .. والا لما استطاع التعامل مع الناس بشكل طبيعي ...

**هاجس خوف** · #3 19-10-2001, 18:12

مرحبا أخوي نجم سهيل ...
انا برايي ان مافي أحد غلطان الموقف عادي وممكن يمر عليك كثير .. بس انت المفروض توضح لأحمد انك ليه قلت عنه هالكلام علشان يفهمك .. :زهرة