__________________

السلام عليكم

و مبارك عليكم الشهر

اليوم الاول:


الافطار :

ثلاث تمرات ( يفضل لو رطب لانه اقل سعرات حرارية بس اذا ما فيه التمر زين )

كوب صغير من لبن قليل الدسم ( اذا ما فيه خففوا اللبن بماي ولا تضيفون ملح ) بس صدق لازم كوب صغير


بعدين تسيرون تصلون صلاة المغرب


الافطار الرئيسي :

شوربة : اي نوع شوربة ممكن لكن اهم شي ما يكون فيها كريمة

شوربة الخضار مع الشعيرية مناسبة طبعا تاخذون كمية صغيرة مقدار نص كوب يكفي

الوجبة الرئيسية : دجاج مشوي قطعة وحدة ( مو دجاجة كاملة بليز ) قطعة وحدة صغيرة يفضل الصدر و يفضل يكون بدون جلد

طبعا في عدة طرق لشوي الدجاج و فيه خلطات وايد حلوة تخلي طعمه يجنن ( مثل خلطة التندوري ) او الدارسين او خلطة الفلفل و الليمون

الفلفل الاخضر و الزنجبيل كثير ينكه الاكل و يعطيه مذاق لذيذ و في نفس الوقت ما فيه سعرات حرارية

و اخلي اختيار البهارات لكم و كل واحد ع ذوقه


يم الدجاج المشوي طبق سلطة

و لو تسألوني شو احسن شلطة للريجيم بتستغربون


التبولة :

نعم التبولة لها مفعول السحر في تنقيص الوزن لانه البقدونس معروف بخصائصه و اهمها ( لانه تكرمون مدر طبيعي للبول ) يعني

يخلصكم من اي سوائل زيادة متجمعة في الجسم


لكن شروط تبولة الريجيم انه البرغل يكون قليل جدا فيها ( لانه البرغل يمتن ) فممكن تقللو كمية البرغل المضافة الى ربع المقدار العادي و تكثروا من الليمون و تقللون من الملح و ضيفوا ملعقة صغيرة من خل التفاح الابيض ( الخل يساعد على حرق الدهون )


بعد الافطار

بعد الافطار الواحد وده يشرب شاي و يحلي

و هنا تكمن الخطورة : الحلو و الحلويات اخطر شي في شهر رمضان

و لكن اللي ما يقدر يستغني عنه انصح ياخذ ( ثلاث حبات من لقمة القاضي) و حبات صغيرة بليز مو جامبو اوكي

مع كاسة شاي بدون سكر او سكر صناعي sweetner


سيروا صلاة التراويح و ادعو لي هناك في الصلاة ( بليز لا تدعون علي ) ع فكرة راح تحسون بنشاط اكبر مع الافطار الخفيف

و راح يساعدكم اكثر على العبادة و الصلاة ( صدقوني )



و بعد صلاة التراويح

ممكن تشربون عصير خفيف

فيمتو مخفف و بدون سكر او ( محلي صناعي )

عصير تفاح

او اي شراب اخر خفيف ,,


او اللي يحب الشاهي اكثر يشربه بدال العصير

اووه نسيت اقولكم : الماي مهم جدا و ضروري

يفضل كوب ماء بعد كل وجبة و بعد التراويح

و كوب ماء ايضا مع السحور

يعني اربع اكواب اقل شي المفروض ثمانية لو تقدرون

و للعلم الكثير من الناس يجيهم احساس الجوع و يسيرو ياكلون بينما هو يكونو عطشانين

و لذلك اول ما الواحد يحس بجوع يجرب يشرب ماي الاول


السحور :


ثلاث تمرات و ربع شريحة خبز مع لبنة او جبنة قليلة الدسم

و لا تنسون تدعون وقت السحور و بعدها تقومون لصلاة الفجر ان شاء الله

نتمنى لكم صياما مقبولا و افطارا شهيا

و بالهنا و الشفا

__________________

يعطيك العافية اختي
" ظبيانية "
على هذه النظام الغذائي لتخفيف الوزن

كل المأكولات اللي احبها ممنوعة ماكو استثناءات
يعني بدل يوم واحد ناكل فيه كل شيء بالاسبوع يكونوا مثلاً اربع ايام
وثلاثه ايام رجيم .. تراني اتغشنر وياج وكل عام وانتم بخير

لاخلا ولاعدم

__________________

هلا فيك الجاسم و حياك ,,,

انا حابة مجموعة من الاعضاء ( الجادين ) يشاركون معاي في هذا النظام و يجربونه

و اللي حاب يتطوع و يطبق التظام و يقول لي مثلا كم نقص في كل اسبوع

يعني مش لازم يحط الوزن الاصلي منعا للاحراج ,,

لكن المهم يقول لنا كم ينقص ’’’

و الرابح الأكبر ( اللي راح ينقص وزنه أكثر شي ) راح

نعطيه وسام خاص بهذه المناسبة

يالله شدوا الهمة نبي متطوعين لهذا الريجيم

و حياكم جميعا :)

__________________

السلام عليكم

و أسعد الله مساءكم بكل خير

صياما مقبول ان شاء الله

اليوم هو أول جمعة في رمضان و العادة يكون اليوم اللي يتجمع فيه الاهل و الاحباب على الفطور

و لذلك اخترت انه يكون يوم الجمعة هو



يوم الراحة من الريجيم



و تقدرون تاكلون ما لذ و طاب

و لكن باعتدال ,,,,, :)

مو أشوفكم ماسحين السفرة كلها اوكي ..؟؟

و هذا كركتير سرقته من كريكتيرات بايلوت اللي حطنهم في موضوعه ( كاركتير نحن و رمضان )

و ذلك للتذكرة ,,,




و هذا رابط موضوع بايلوت ( يعطيه العافية ) ...كاريكاتير نحن ورمضان

و مساكم نور

__________________

__________________

السلام عليكم

و مساء الخير ,,,

اليوم الرابع من رمضان




الافطار:
تمرة و كوب من اللبن الخفيف الدسم



السحور :

شاي حليب و بقصم





و بس




v


V

V


V
V
v

v

V
v
v
v
v
v
v
v
v
v
v
v
v
v
v
v

v
v
v
v



لا امزح معاكم



عاد مو زين شي ريجيم قاسي تموتون من الجوع





اليوم الرابع تتتبعون نفس طريقة الايام اللي قبلها بس ممكن تغيرون الاصناف ,,



و الاهم من ذلك لا تنسون الرياضة


اليوم الجو وايد متحسن و لذا انصحكم تسيرو تتمشون على الكورنيش بعد صلاة التراويح


اللي مو متعود على المشي يبتدي بنص ساعة

و بعدها كل يوم يزود عشر دقايق لين توصل مدة المشي ساعة و نص

و من المهم يكون المشي سريع نوعا ما يعني يصير نبض القلب 130 -150 للشباب اللي في الثلاثين من العمر

أو يكون فيه تعرق مع المشي لكن مو ينقطع نفسكم من الركض


و يعطيكم العافية ,,,

__________________

:frown: حرام عليج .. تبين تذبحينا انتي

انا ابا اضعف بصراحه لاني كل رمضان امتن زود ولا اقدر انقصه عقب

بصراحه انا ماقدر لازم آكل من كل شي ولا مابا ارتاح اذا ماخطفت على كل صحن

بعيدن تعالي نحن ترانا صايمين طول النهار .. محتاجين لكل الي منعتيه

بقولح .. احس راي.. نـــآكل من كـــل شــي ( بس نخفف )


ان شاء الله بنخفف .. انزييين

__________________

تسلمين يا مبدعة الساهر : ام عقوص : روعه توقيعي الخيولي

:frown: حرام عليج .. تبين تذبحينا انتي

انا صح ابا اضعف بصراحه لاني كل رمضان امتن زود ولا اقدر انقصه عقب

بصراحه انا ماقدر لازم آكل من كل شي ولا برتاح اذا ماخطفت على كل صحن

بعيدن تعالي نحن ترانا صايمين طول النهار .. محتاجين لكل الي منعتيه

بقولح .. احس راي.. نـــآكل من كـــل شــي ( بس نخفف )


ان شاء الله بنخفف .. انزييين

__________________

تسلمين يا مبدعة الساهر : ام عقوص : روعه توقيعي الخيولي

و عليكم السلام

هلا فيك اختي فرح ,,

صدقيني ما ناوية اذبحكم عزيزتي

بس هي المشكلة لو خليتكم تاكلون من كل شي في سفرة رمضان و اللي عادة فيها عشرة اصناف او اكثر كذا ما راح تضعفون بالعكس راح يزيد الوزن

طيب انا عندي لك فكرة :

لما تكونين قاعدة على السفرة اكلي الاشياء الرئيسية الاول :

يعني الشوربة و السلطة و الطبق الرئيسي

و اتبعي قاعدة انه تاكلين لين تسدين الجوع مش لين تشبعين

و صدقيني ما راح تحسين بحاجة للأكل اكثر من كذا

و لا تنسين انا حاطة لكم يوم واحد في الاسبوع ( يوم الجمعة ) هذا يوم مفتوح تاكلون فيه اللي تابون يعني ما راح تكونو محرومين من شي ان شاء الله

و نتمنى لك تابعين معاي النصائح البسيطة هذه يوميا و ان شاء الله بتشوفين نتيجة اكيدة

__________________

السلام عليكم


الله واكبر شو هذا بنموت جي ؟؟؟

انا الصراحه من ياذن الاذان اخطر على الفطور والفطور الاساسي والعشاء مره وحده وبس عقبها مافي اكل الا اذا خفايف من ايد الوالده للسحور ووجبه السحور فيها مالذ وطاب عيش ابيض مع روب مع دجاج واكل لحد ما اشبع


بس الحمد لله لاايزيد وزني ولا شي يعني اذا زاد مايزيد عن 3 كجم لان الرياضه شي اساسي في حياتي ولازم الواحد يحافظ عليها


بس انتن يالحريم ماترومن تسن رياضه فلازم ماتاكلن شي ابدا

وليش ماترومن تسون رياضه لانه في مشكله عويصه عندكم

لازم كل يوم بلبس رياضه ولازم يكون على حسب الموضوه وهنا تكمن الم