احب اهنئ الشعب السعودي كــــــــــــــــــــــــــــــــــــــــافه ...بمناسبة مرووور 77 عـــــــــام ع توحيد المملكه العربية السعودية ع يد المؤسس المللك عبدالعزيز ....
وبمناسبة اليــــــــــــــــــــــــــــــــــوم الوطنــــــــــــــــــــــــــــــي الموافق 23سمبتر .. 11رمضان ............................... يوم الاحد ...
المملكة بروائــع الشعــراء
يقول الأمير خالد الفيصل:
لاح يوم الوطن والعز لاح
وكلمة الله على البيرق تلوح
يوم الاسلام يا يوم الفلاح
والوطن كل روح له تروح
فوق الايمان ركبنا السلاح
والمقابيل بالخافق تبوح
الله اكبر مثل ضرب الرماح
سيلت في خفى الباغي جروح
الامير بدر بن عبد المحسن يقول للوطن:
عزنا الاسلام هو غاية فخرنا
فيه سر وجودنا ونموت دونه
أرضنا ارض الذهب وانقى المذاهب
والرجال اللي عهدهم يحفظونه
ومن قصيدة أخرى يقول:
صرخة.. ذكرتك يوم واليوم موعود
لجل الوفا لراعيك موفي الوعايد
كني بوقت راح حاضر وموجود
في يوم عشاة المجد.. عله هايد
وكن «المربع» توه اليوم مشيود
جدران طين اطمام سقفه جرايد
قصر بنى للعدل والطيب والجود
سوره ذرا للناس وفرشه وسايد
كذلك من قصيدة أخرى يقول:
الله الاول وعزك يا الوطن ثاني
لأهل الجزيرة سلام وللملك طاعه
حنا جنود الحرس للقايد الباني
رمحه.. ودرعه وكف الشيخ وذراعه
مثل السيوف البواتر وان جنى الجاني
يضرب بها ارقاب من بالدار طماعه
من بان عبد العزيز وصبحنا باني
ما عاد نقبل ضلام الليل لوساعه
في السلم يشهد لنا عمر الاوطاني
وفي الحرب لارواحنا للموات بياع
قصيدة محمد الاحمد السديري:
ياللي لكم في منبر المجد محراب
نلتوه من عقب الكدر والمصايب
نلتوا رفيع المجد بسيوف وحراب
وعدوانكم شافوا كثير الغلايب
بحزم ولطم فيه تقطيع الارقاب
وعزم جلاميد الصخر منه ذايب
وحرب مرير فيه تقتيل الاشناب
يقلب شعر راس الولد منه شايب
يشهد لهم بالطيب من وسط الاصلاب
والحي واللي حد رعوج النصايب
صفوة هل العوجا مهدين الاصعاب
تارد حياض الموت ورد الجلايب
نزف التهاني بهذه الذكرى العزيزة إلىمقام خادم الحرمين الشريفين الملك عبدالله وإلى ولي عهده وإلى الأسرة الحاكمة وإلى الشعب السعودي كافة ونسال الله أن يحفظ المملكة ويحميها من كل من أراد بها سوء اللهم آمين