إيـه خـافْ وكُـونْ سَالِـم دام هالدنيـا بـحـور !

**عجايب** · #1 03-10-2007, 04:07

بسم الله الرحمن الرحيم
السلام عليكم ورحمة الله وبركاته
قصيدة (القضية ) للشاعر أحمد الصانع

القضية
مغفـره وذنـوب , والساعـه بـلا تُـوبَـه تــدور
السنـه صَـارتْ سَريعـه حِيـلْ , وأحْسِبْهَـا شهـر
عِذتْ أنـا مِـنْ شَـرْ خَنـاسٍ يوسْـوسْ بالصـدور
ومـا بكيـت إلا لـوجـه الله فــي ليـلـة قــدر
تِختصر مَعنـى حياتِـكْ كيـف تبنـي لِـكْ قصـور!
أحْتِـرم رايـك وهـذي تُعتبَـر( وجهَـة نـظـر ) !

زيـن طيِّـب .. دام تِـدري إنَّ لِــكْ رَبٌ غـفـور
ليه ما صَلِّيـتْ لَجلـه ومـا رفعـت إيـدك شكـر!؟
حَـدِّث العاقِـلْ بمَـا يُعقَـل ..وفـي قلـبٍ جَسُـور
وإنْ خطيـت بحـق غيـرك روح قـدِّم لـه عــذر
رافِقْ الشخص المِثالـي اللَّـي لـو تخطـي / يثـور
وإن سِمَعت إسْمَعْ مِنْ اللِّي تِلقى فـي صَمتـه " دُرر "
وقبل تِسأل عَنْ حياتـي وكِيـف وجهـي شَـع نـور
خلْ كلامـي لِـكْ وصيَّـه وخـلْ بعـد عِنـدكْ خبـر
ما نالْ في الدنيا أحَـدْ يـا سَائلـي غيـر (الصبـور)
والدليـل إنِّـي صِبـرتْ .. وكانـت أيامـي تـمـر

لا تقـول: الحَـلْ إنِّـكْ تِلقَـى لِكْ,عاشِـقْ غَـيـور
إنْ حَبِّتِكْ عِينه ترى .. ما حَبِّتِكْ ........ عِين الدهر !!

مِثلِكْ أوَّلْ كـان حَالـي وضِيقتـي ونفـس الشعـور
كِنت أقـول: شمعنـى قلبـي فـي مشاريعَـه خسـر
ما دريت إنَّ الغِيابْ أحيَـان أفضَـلْ .. مِـنْ حضـور
لِين شِفت " الشمس " تشرق بعد ما يغيـب ( القمـر )
وما دريـت إنَّ التواضُـع كنـز / ومَكـرُوه الغـرور
لِين شِفت إنَّ الغِنى .. فـي الآخِـرَه مِثـل الفقـر !!

كِنتْ غافِـلْ فـي حياتـي وكِنـتْ أجْهَلْهَـا الأمـور
لِينْ ربِّـي لـه هدَانـي .. وصِـرتْ أدَوِّر لِـي أجـر
لا تقول: أعيش يُومـي دامـي فـي عمـر الزهـور
منـت ضامِـنْ عُمـركْ الباقـي .. وقَطَّـافْ الزهَـر
قبـل لا تبـدي الخطِيئـه وتبْنِـي لِذنوبـك جسـور
خـافْ مِـنْ ربِّـكْ وفكِّـر فـي وعَـد يُـوم الحشـر

مَهْمَا كِنت إنسَان " راقي " وتعشِـق أنـواع البخـور
التراب اللَّي يضمك بعـد مُوتـك ........ والقبـر !!

ياما قالوا الناس : خايف وقلت : مـا فينـي قصـور
بَـسْ شِفـتْ إنَّ الشَّجَاعَـه مَعنـى ثانـي للخـطـر
إيـه خـافْ وكُـونْ سَالِـم دام هالدنيـا بـحـور !
والبحـر مَهْمَـا وفالِـكْ طبعَـه ( غـدار ) البـحـر
وللشجر إن شفت هامـه هـذا مِـنْ طيـب الجـذور
يعنـي أعمالـك جـذورك هـذي هـي بالمختـصـر

القضيه: ما هِـي شخـصٍ خالِفَـه شِرطـي المـرور
البشـر فـي الدنيـا هـذي صَـار , ياكِلْهَـا بشـر

عجايب

**الساهر** · #2 03-10-2007, 17:09

السلام عليكم

رائعه جدا اختي عجايب

يعطيج العافيه يارب

**ظبيانية** · #3 03-10-2007, 20:49

حلوة حييل ,,

تسلمين الغالية عجايب

**أبو دجانة البلوشي** · #4 03-10-2007, 23:37

الله
أكبر كلام طيب
جزاكم الله خيرا

**براءة طفلة** · #5 04-10-2007, 00:13

يسلموو عجــــايب ..
من جد قصيده رووعه ..كلمات حلــــــــــــــوه ...
الشاعر عندو احساس ع طول يوصل لقارئ..
الله يعطيك العافيه ..

**أم عقوص** · #6 06-10-2007, 06:04

.. أحمد الصانع ..

.. شاعر غني عن التعريف ..

.. له من القصائد ما يفوق الخيال والمشاعر ..

.. وهذه احدى روائـــعــه ..

.. تسلمين عجايب على هذا الاختيار ..

**ايمان** · #7 29-10-2007, 11:17

كلك ذوق واختياراتك دائما روعه دمتي بود