قصتنا أنتهت .. موال عراقي.

**اخت المها** · #1 19-10-2001, 02:10

ان الفن العراقي احدى ارقى فنون الشرق الأوسط ..
هناك العديد من الشعراء العراقيين المعروفين امثال ، كريم العراقي ، محمد المحاويلي ، عدنان هادي … الخ ، وايضاً هناك من تغنى بأشعار هؤلاء و ابدع في المواويل .. حيث ان الفن العراقي اشتهر بفن "الموال" . ومن الفنانين الذين تميّزوا بهذا النوع من الفنون هم : حاتم العراقي ، محمود أنور ، باسل الزيز ، ناظم الغزالي … الخ.

كنت اقراء احدى كتابات الشاعر محمد المحاويلي و التي هي بعنوان " قصتنا انتهت " وكانت هي عباره عن قصه يسرد من خلالها الكاتب قصة حبـيـبـيـن . لن أقول ما هي القصة، اود منكم انتم ان تقرؤها. الكلمات اعجبتني . ولكن ما زاد اعجابي بها اداء الفنان ( محمود أنور ) حيث قدم موال من هذه الكلمــات .. وكان من اجمل ما سمعت من المواويل .
اترككم مع القصه التي عبر بها الشاعر عن طريق هذه الكلمــات ..

حيث ان الفنان قال في بداية الموال ..

اذكر لكم قصة حبيبين ، شاب كان يحب له فتاة، تعب عليها و صرف ، بيوم من الايام ، شاف الفتاة مع شاب ثاني، فأخذ يعاتبها .. فهذه الكلمات هي عباره عن عتاب الشاب .. لاحقاً رد الفتاة على عتاب الشاب لها .. و الجمهور هو اللي يحــكم ؟!؟!!

(( كتبت الكلمــات باللهجه العراقيه ))

*********عتاب الشــــــــاب للفتــاة *********

بهاي عيوني شفتج لا تنكرين
وهذا الوجه ما يخفى عليّه
مو انا اللي شفتج .. لا تقولين ..
اميزج لو كنتي بين ميّه ..
صحيح وياج ، جايز تغلط العين
بس القلب شافج قال هيّه
اقولج وين شفتج اذا تريدين
بالمكان اللي كنا نقعد بيه سويّه
واقولج حتى انتي شكنتي تلبسين
من شفته عليج شصار بيّه
يُـبَـه.. نفس الثوب هذا اللي قبل شهرين
جبته بعيد ميلادج هديّه
وهاي الساعه بيدج ما تذكرين
جبتها بسبب تأخيرج عليّه
المحابس و التراجي و كحلة العين
نسيتي آنا جايبهن بايديّه..
قناني العطر كانت وحده و اثنين
او سويتج صدق اجمل بنيّه..
جبت لج كل شي حتى انتي تتحلين بيهن مو ليّـه
حصت غيري صاير تعب السنين
وانا بس المشترى صاير عليّه .. .. .. ..

********* جواب الفتــــــــــــــاة *********

صحيح انا اللي شفتها وانت مو غلطان
بنفس الثوب هذا اللي جبته ليّه
وصحيح انا كنت و يا شخص ثاني
وما انكر . اقولك آني هيّه
صدق كل اللي قلته
ما انكر .. صحيح جبتهن كلهن ليّه
بس آني انطيتك قدهم اضعاف
حنان و لهفه و لوم الناس بيّه
كنت اشقد اجازف من اجي لك
واتحمل حجي امي عليّه
الاشياء اللي جبتها .. ألك انت البسهن انا وتتباها بيّه
جبتهن على ذوقك مو بذوقي لبستها لخاطرك ، ما تلوق ليّه
هداياك اللي قل لي وش تساوي
شو توازي شبابي أي هديه
انا انطيتك عمر سلمته بيدك
بساعه و محبس .. تمِـن عليّه
وجاي اليوم اللي تعايرني بيهن
اظن عمرك ولا مقدم هديّه
وانا ما شفت منك أي نتيجه
وصارسنين اريدك تحس بيّـه
شفت العمر يجري وكل شي ماكو
قلت الحق بنفسي أنا شبيّه؟
من أظل وياك يتركني قطاري
بأخر لحظه صرت آني ذكيّه
جبت لج ما جبت لج هذا همك !!
لكن ترتبط ما إلك نيّه
اما الشخص هذا اللي كان وياي
اعتبره انا اجمل هديّه
من اول يوم عرفته
حسيته صادق .. إجانا لبيتنا و يطلب أيديّه
وقارنتك انت وياه مرات
شفت الـقـلـب يـمّــــك
لكن الحب حبيبي بهذا الزمن .. عشره بالميّه
والتسعين انا بحاجه إلهن
زواج واستقرار و أحلام ورديّه
لذلك قررت اختار غيرك
مو حقك تجي وتلوم بيّه
واذا انا قبلت قبل بهداياك
اسمح لي ارجعها الهديّه
ترا بخاتم الخطبه تزهي ايديّه .. .. .. ..

*********جـــــــــواب الـشـــاب *********

قصتنا انتهت وكل من طريقه
ضعنا و ضاعت ويانا الحقيقه
ولو عني رحلتي و عن عيني ابتعدتي
مشيتي وما صبرتي
ندم واللوم روحي ما تطيقه
زمن راد انتفارق مو بيدينا
كل واحد تحت نجمه صفينا
الف مبروك ليج .. والهم ليّه
سعاده انشاء الله وعيشه هنيّه
صحيح اثنينا كل من ظروفه
قدر .. حكم القدر لابد نشوفه
يا دنيا اللي راح ما يخطر على البال
مرمرني كلام القيل و القال
والف مبروك ليج .. والهم ليّه
سعاده انشاء الله وعيشه هنيّه

**الفيصل** · #2 19-10-2001, 05:46

<Center>
<br />
<TABLE BORDER=1 WIDTH=100% Background="http://hammer.prohosting.com/~stealth7/picweb/Assorted3/Emb3.jpg">
<TR><TD ALIGN=CENTER>
<h1><font size="5" face="monotype koufi" color="white">
<br />
جميل أن يحتوى مجلسنا الأدبي
الكثير من الفنون
و الكثير من التنويع و الأبداع في إختيار المواضيع

أخت المها

لك التحية
وفي حفظ الله
</td></tr>
</table>
</font>

**دانة الدنيا** · #3 19-10-2001, 08:50

اختى الموال
لو قلنا حلوووووو.... نظلمه ونقصر بحقه
ولو قلنا رائع شويه عليه
هو تصوير لواقع واحاسيس بلغه سهله وبسيطه
توصل للقلب ....

لا اكذب عليك احب الموال العراقي
ويجذبني الحزن اللي فيه
والصور الجميله اللي يرسمها لنا

تعرفين المواويل الشعبيه ........ابلغ تعبير عن هوية الشعوب وتراثها

دمت لنا مبدعة

وياريت نقرى من الدرر المزيد

**مهد** · #4 19-10-2001, 12:00

بسم الله الرحمن الرحيم

الأصدقاء الأعزّاء :
الغالية أخت المها :

السلام عليكم ورحمة الله وبركاته ..... وبعد ،،،،

النغم العراقي رائع بكل ما فيه من الكلمات مروراً باللحن وصولاً إلى الأداء المُميز .

وتعبيراً عن تقديري لكل ما يفوح بعطر أرض العراق إليكم الرابط التالي لمن أحب أن يستزيد من هذا النبع المتدفق :

أغاني عراقية

سلاماتي

مهد

**اخت المها** · #5 19-10-2001, 22:53

الفيـصـــــــــــل..

كنت متردده قبل ان اطرح الموضوع ، و متخوفه من ألا يلاقي موضوعي الاهتمام و القراءة ..

وحصل العكس ... :)

اخي الكريم ... تواجدكم انتم كمشرفين معنا ، يسعدنا و يزيدنا شرفاً و يدفعنا لتقديم كل ما هو جميل و متنوّع.

والله يحفظ الجميع يا أخوي ..

تحياتي .. اخت المها

**اخت المها** · #6 20-10-2001, 16:10

نــورتيني بوجودك ...

وتسلمين لي عزيزتي ... و لك ارق التحيه..

**عبود** · #7 20-10-2001, 16:27

هذا الموال معروف و هو جميل جداً

ملاحظة
لقد كتبتي أختي
أناني العطر و لكنها قناني العطر :)

:) تحياتي :)

**اخت المها** · #8 20-10-2001, 16:31

عبـــــــــــــود ..

يسرني تواجد ...
ولا تزعــــــــــل .. اغيرها ، و فالك طيّـب :)

تحياتي لك ..