اسهمي يا اسهمي لا هي كاش ولا هي كيس
غربلتني دخلتني من وراء ذيك الطعوس

اعمار من ثاني سنه من خيار العيس عيس
خفتها لا درهمت كنه بالنار محسوس

ومن فتح السوق وبدأ لا حسيس ولا نسيس
ومن احمرار السهم تسمع طقطقه الضروس

في سوق دبي يكفخ الطير ويطيح الفريس
وانتهض املاك من دون تعليقه بسوس

وسهم سوق دبي سهمٍ ضرسني ضريس
فقمت اوردها هجوس واصدرها هجوس

وراس مالي سلفةٍ قلت معدن هو نفيس
بس عقب الرش صارت كل بيزاتي عيطموس

وشفت راس المال من عقب رشتهم يميس
كنه الا من سواد الويه والصفعه محموس

واخترت خمس ٍ من الاسهم في يوم الخميس
ليت شعري ما ارادت بهذا دختنوس

كله من هذا الغبي الي يسمونه ابليس
غرني واختارني مثل اصنام المجوس

املاك صارت عقبهم هي كنيسه او كنيس
ما بقى الا اتبعه لو انا اديت الطقوس

وتعليقتي تحكي لنا واقع القوم التعيس
ومن غباوه صاحبه يعطي لكم هذي دروس

واملاك من سنتين اصلا مايجالسها جليس
يصير العن سهم تعليق في وضع الجلوس

وصار العبار كنه هو لنا البابا لويس
نقص المنحه علينا وقال انهارت كؤوس

قال ما فيه اي منحه ، خيس ، خيس ،خيس ،خيس
ولا تدور شي مني لا ولا حتى لبوس

اخر التصريح كنه صار في كبدي رفيس
خبرونا قبل عنه بس حنا الي التيوس

آفة المرء اثنتان الف كاس وحب كيس
والنفوس اليا بغيت اتعرفها ارم الفلوس

ينكشف زيف الشعارات الى حمي الوطيس
ترجع الاذناب اذناب وتبقى الروس روس

صدق لاقال العرب مايحوص الا الخسيس
ولايوطي الروس شئياً مثل ضعف النفوس

و يا ربّ من أجل الطفولة وحدها
أفض بركات السلم شرقا و مغربا
و صن ضحكة الأطفال يا ربّ إنّها
إذا غرّدت في موحش الرمل أعشبا
و يا ربّ حبّب كلّ طفل فلا يرى
و إن لجّ في الإعنات وجها مقطّبا
و هيّئ له في كلّ قلب صبابة
و في كلّ لقيا مرحبا ثمّ مرحبا