يمـــــــــــه

**تقوى** · #1 21-02-2008, 17:05

يمه عقبك انا ماني من الناس

ليت العمر بيني وبينك نصيفه

اجرع المر عقبك كاسن ورا كاس

لا انحني ولا اشتكي وماني ضعيفه

يندر وجودك يايمه بين الاجناس

وش بديني لا اختارك الرب ضيفه

الله يبيحك عد ما طافوا الناس

وكثر الورق اليا انتثر من خريفه

والله يرووفك عد ما عاشت الانفاس

ويربط على قلبي عقب فراقه وليفه

ابنتك وحبيبتك

تقوووووى

**تقوى** · #2 25-02-2008, 01:04

ليش محد رد ما جازت لكم؟؟؟؟

**عجايب** · #3 25-02-2008, 01:57

جزاك الله خير أختي تقوى على هذه الأبيات
وأحسن الله عزائك في وفاة والدتك
الله يرحمها ويرحم اموات المسلمين
ويجمعها مع عباده الصالحين في الفردوس الاعلى
امين يا رب العالمين

كل ما فيني يحبك طالبك لا ترحلين
كل ما فيني تألم... ساعه فراقك بكاك
دمعي اللي فاض يمه من عيوني فاض عين
كل مافيني تراجف وانحدر شعري رثاك
يابعد كل القصايد ...يا عنا كل السنين
اظلمت دنياااي يمه عقب ما صرتي هناك
بطن الارض اصبح مقرك واللحد ولحاف طين
يمه اسمي صار يمه مختلف ما هو هذاك
اليتيم اصبحت يمه ... عقبك وحالي حزين
كل ما فيني اشتكى لك كل ما فيني اشتكاك
ليه يا يمه رحلتي ليه عني تبعدين؟؟؟؟
استغفر الله من سؤالي ...ما قصدت الا غلاك
الفناء .. شيٍ مقدر بيد رب العالمين
كل ما فيني ابتدأ بك والغلا يمه انتهاك
اسمحي لي قبل ما ارحل بس اقولك كلمتين
ليتها الأقدار ترضى بس تأخذني فداك
والله اني ما تأخر والله اني ما ألين
وإلا اقولك هاك كفي ..يمه المشتاق جاااك
يكفي ابقى بس جنبك ..لو وسط قبرك دفين

عجايب

**ظبيانية** · #4 25-02-2008, 08:09

جزاك الله خيرا على هذه المرثية

رحم الله الوالدة و اسكنها جنات عليين

**تقوى** · #5 26-02-2008, 00:36

جزاكي الله خير عجايب

**تقوى** · #6 26-02-2008, 00:37

جزاكي الله خير ضبيانيه

**الساهر** · #7 26-02-2008, 11:13

هلا اختي تقوى

الا بالعكس ابيات جدا رائعه

قريتها من اول ماكتبتيها ولكن كنت مستعجل وماقدرت ارد

الله يتقبلها في جنان الخلد يارب ويرحم امج وامهات جميع المسلمين يارب