بس يا غلا من عذاب الحـب ملينـا

**العقيدي** · #1 05-04-2008, 19:49

بس يا غلا من عذاب الحـب ملينـا ‏
‏**خلينا باقي العمر نرتـاح وياكـم ‏
كافي بنار الهـوى والشـوق تكوينـا
‏**ياحر لاهب هبوب الشوق لوجاكم

يا من بوصلـك تعشمنـا و ترجينـا
**ذوبت خافق خفوق اللي ترجاكـم‎
عجـل بوصلـك حبيبـي لا تخلينـا
**بين الثرى والثرية نطلب رضاكم ‏

ياما تعبنا الولـه والشـوق يضنينـا ‏
‏**وياما بكينا على الأطلال فرقاكـم‏
وياما دروب المودة لأجلـك مشينـا ‏
‏**حافين بالشوك فيها نتبع خطاكـم

يا قاسـي القلـب يكفـي لا تبكينـا ‏
**و تتجاهل شعور قلب صرح يباكم ‏
نار الخوافق لضاهـا بـات يكوينـا
‏** و ما تبرد النار ألا يـوم نلقاكـم

**ظبيانية** · #2 05-04-2008, 19:56

صح لسانك

و سلامة قليبك من عذاب الحب

**أم عقوص** · #3 12-04-2008, 04:54

// شاعر مجالسنا الكريمـ //

العقـيدي

.. هالله هالله على هذه القصيدة الجميلة ..

.. بس تصدق أحيان عذاب الحب جميل ..

.. قد لا تكون قسوة من الطرف الأخر .. كثر ما هي تلذذ و متعة بشوقك و لقياك و لكن بخجل

.. دمت بود و سعادة على هذا الإبداع ..

**العقيدي** · #4 17-04-2008, 13:20

اختي الحبيبة ام عقوص
لا حرمت ولا خليت من تواجدك المنور بين السطور
تحياتي لك كلما اشرق النور

**العقيدي** · #5 17-04-2008, 13:21

ظبيانية
هلا وغلا
صح الله فكرك وقلبك
تحياتي لك
دمتي بالف خير

**عصفور الجنة** · #6 08-07-2008, 00:55

احيانا بيكون الحب عذاب لكن اذا كان من طرف واحد
لكن الحب المتبادل فيه المشاعر والاحاسيس (الحب الصادق)
اسمى معنى للحب