تكفووووووووووووون ياهل دبي

**اللمبي** · #1 28-09-2008, 08:22

السلام عليكم ورحمة الله وبركاته
الاخوه الكرام سكان دبي لي رجاء انا جاي ان شاء الله لدبي انا وعائلتي ممكن تدلوني هلى اماكن التمشيه والوناسه بس تكفوووووووووووون لاتكثرون لي من الاسواق علشان لاتضيع المدام تحويشة العمر وعافاكم الله وكل عام واهل الامارات بالف خير وجميع المسلمين

**الساهر** · #2 28-09-2008, 21:43

السلام عليكم ورحمة الله وبركاته

هلا اخوي

عندك عدت مجمعات تجارية
مول الامارات
سيتي سنتر
مركز وافي
برجمان
الغرير
مركز ابن بطوطه

هذيلا كلهن مجمعات تجاريه وفيها العاب للاطفال بس رتودي الحرمه لهن لان ماراح تطلع الا وانت مديون

عندك الحدائق
حديقه الصفا
حديقه المشرف
وحديق الممزر

وايظا تقدر تتمشى في المميز على البحر وجميرا

وعندك فندق السلام للسياحه حلو وجزيرة النخله

هذا اللي عندي

شو اللي فخاطرك فالك طيب

والله يعينك على الزحمه

**ظبيانية** · #3 29-09-2008, 01:44

كل عام و انت بخير اللمبي

ان شاء الله تستانسون في دبي

مثل ما ذكر الساهر هذه هي الاماكن الرئيسية

و فيه بعد ال فيستيفال سيتي تسوق و تمشي

و اذا انت تحب تتفرج على ديكورات الفنادق لازم تزور كل من

برج العرب في جميرا

فندق اطلنتطس في جزيرة النخلة

فندق باب شمس

و فندق السلام

هذه فنادق تتفرج عليها بس لانه الاقامة فيها غالية وايد

اذا جاي بالسيارة لا تنسى تشتري بطاقة سالك ( تعريفة مرورية عشان تقدر تمشي داخل دبي )

و تحمل اسعار البنزين ثلاث اضعاف سعرها في السعودية

**اللمبي** · #4 29-09-2008, 08:02

السلام عليكم ورحمة الله وبركاته
هلا والله باخوي الساهر واختنا الضبيانيه مشكورين وماقصرتوا بيض الله وجيهكم وانا جاي طيران عن طريق ابو ظبي وكنكم ذابحين لي ذبيحه لانه اختصرتوا على ولكم الشكر وكل عام واهل الامارات والخليج بالف خير

**الساهر** · #5 02-10-2008, 15:42

السلام عليكم ورحمة الله وبركاته

يامرحبا فيك والله ياخوي

مادام نازل في بوظبي عندك المارينا مول وبوظبي مول والخالديه مول وبعض الحدائق الحلوه مثل جزيرة الولو وحديقه المشرف وحديقه المطار ومنتزه خليفه ولاتنسى تزور مسجد الشيخ زايد

تحياتي لك واي خدمه نحن حاضرين

**ظبيانية** · #6 02-10-2008, 19:13

نحن في الخدمة اللمبي

بوظبي لازم تروح الكورنيش و تمر على قصر الامارات

و عندنا شاطئ بوظبي تروم تاخذ العيال و تسبحون هناك

نتمى لك اقامة سعيدة يا رب

**اللمبي** · #7 07-10-2008, 00:16

السلام عليكم ورحمة الله وبركاته
والله بلد رائع وشعب اروع هاذا سادس يوم لي في الامارات ولكن عندي ملاحظات صغيره اخاف اكتبها يزعلون الحبايب ولكن دائما للامام يابلد زايد

**الساهر** · #8 10-10-2008, 23:50

اكتب ياخوي مافي زعل بالعكس راح نفرح حتى نتلافى اخطائنا

بس لاتقولي عن الهنود واللي يرحم والديك :)

**ساقي الشوق** · #9 11-10-2008, 04:10

هلابك اخوي اللمبي في الامارات

اي استفسار او خدمات من وإلى في العاصمة ابوظبي فأنا حاضر ومتواجد في اي وقد لأني انا من سكان العاصمة ولا يردك إلى لسانك

**ظبيانية** · #10 11-10-2008, 12:26

اللمبي بالعكس قول الملاحظات

نحن عندنا بعد الف ملاحظة على بلدنا

اكيد مضايقك الزحمة و الاجانب و الانفتاح صح؟؟؟

**اللمبي** · #11 12-10-2008, 12:16

السلام عليكم ورحمة الله بالعكس اخواني واخواتي ملاحظاتي انه لايوجد سوى الاسواق متنفسا باستثناء الوايد وادي رغم اني بغيت انطق من المدام ومطلوب مني اسكر عيوني على طول وين مدن الملاهي للصغار شفت في بعض الاسواق بس مو قد المامول يعني لو فيه اكثر من مدينة ملاهي من الضخمه لاصبحت عنصر جذب قوي بالذات للخليجيين واعلم ان دبي اصبحت عالميه بس حتى حنا نفتخر بالامارات وودنا تكون اكثر جاذبيه للاسر الخليجيه ففي الامارات كاني في السعوديه ولله الحمد امن وامان حتى مع الغلاء ولكن فعلا بلد امن وشعب طيب وهذي واحده من الملاحظات ولكم الشكر والتقدير مع تحيات اللمبي

**ظبيانية** · #12 12-10-2008, 16:41

فعلا صدقت اللمبي بخصوص هذه النقطة

في مدينة دبي لاند قيد الانشاء و هي مدينة ملاهي كبيرة على طيراز ديزني لاند

حاليا فيه ملاهي متنقلة مثل اللي في القرية العالمية يفتحونها في الشتاء او العاب في اوقات الأعياد و في في الشارقة منتزه الجزيرة بس قديم نوعا ما

و زمان كان في الهيلي في العين بس مهجور حاليا